السلام عليكم بنات كيفكن اشتقتلكن
ما شاء الله فرحت لما شفت نشاطكن ..الله يقويكن
انا معكن مستمرة و رخ ضل فوت شجعكن و اتشجع فيكن لاوصل لهدفي وانتو توصلوا لهدفكن كمان ..هيدا وعد قطعته على نفسي اني حتى لما اوصل لوزني المثالي رح ضل فوت شجعكن لان هيدا اقل شي بقدر اعمله لرد الجميل ..لولا هيدا المنتدى ما كنت قدرت اوصل لهدفي المرة السابقة و ان شاء الله قربت اوصل لهدفي هيدي المرة كمان...

يلا كملوا و ما تستسلموا ابدا ابدا ابدا ...

متل ما قالت ام ملك الحافز الكبير هو استيعاب حقيقة اننا نعاني من مشكلة السمنة..انا ما بنسى ابدا اللحظة اللي صدمتني ..اللحظة اللي اكتشفت فيها اني ناصحة !! كانت بعد ولادة بنتي بشهرين تقريبا ..رحت اعمل زيارة لرفيقتي و عملتلي مكياج و سشوار لشعري وقلتلها صوريني صورة لابعتها لزوجي و كانت صدمتي لما شفت الصورة ! عنجد انصدمت ..قلت لحالي هيدي مش انا ..انا مش ناصحة هالاد ! ...فرجيتها الصورة لرفيقتي مرة تانية و قلتلها انا عالحقيقة هيك ناصحة متل بالصورة او الصورة منصحتني ؟! ...ابتسمت رفيقتي و ابتسامتها كانت كاقيه لاعرف اني انا عنجد كتييير ناصحة...وقتها كان وزني 90 كيلو...وهيدا الوزن كان اول مرة بحياتي بوصله بسبب حملي...
يعني اللي بدي قوله انه الصورة اللي مطبوعة بذهننا عن انفسنا مختلفة عن الحقيقة ..واللحظة اللي ( منشوف) فيها صورتنا الخقيقية هي لحظة الصفر اللي بيبلش من بعدها رحلة التغيير..

الانسان بيتعود على شكله و بيبطل يشوف حاله ناصح..بيصير يلاقي حاله وزنه طبيعي...

برايي اي انسانة وزنها بالثمانينات و ما فوق هي انسانة سمينة ولازم تستوعب هالشي وما تنكر هالحقيقة..لازم تعترف بهالحقيقة لنفسها عشان تقدر تبلش رحلة التغيير...وتستمر لتوصل ...

طولت عليكن بس حبيت شارككن افكاري...

صار وزني 67 ..الحمدلله نزل شوي ..كان اله حوالي اسبوعين ثابت رغم الالتزام والرياضة...فصمت يومين و خففت اكل كتير عشان خلي وزني يتحرك شوي..والحمدلله رحع ينزل ولو شي بسيط..يمكن لان قربت من الوزن المثالي صار النزول اصعب..

شعلة امل وين مختفية مش عم تبين..فقدتلها والله...

تصبحوا على خير..