الموضوع
:
لو عندك مواعين من الحوض للسقف ومطبخك يضرب يقلب تعالي اقولك ازاى تنضفيه
عرض مشاركة واحدة
كتبت : عبير ورد
-
لو عندك مواعين من الحوض للسقف ومطبخك يضرب يقلب تعالي اقولك ازاى تنضفيه
لو عندك مواعين من الحوض للسقف ومطبخك يضرب يقلب تعالي اقولك ازاى تنضفيه
فى ستات يقلوا بيضة تلاقى الحلل وصوانى الفرن وطقم المعالق كله نزل
وتفضل طول النهار تكركب وتنضف وتكركب وتنضف وتفضل طول عمرها على الحال ده
لكن لو حصل معاكى كده تعالى اقولك تنضفيه ازاى وتعودى نفسك ان ميبقاش تانى بالمنظر ده
بعد الغدا او العزايم طبعا هتلاقى البوتجاز كله حلل وبواقى اكل وطرطشة زيت وفوران الشوربة والرخامات تلاقيها كلها قشر بصل على توم على اكياس الاكل على علب البهارات ومعالق وشوك وقزازة الزيت وفوط المطبخ ووووووووووووو الحوض طبعا وما ادراكى ما الحوض ممكن يبقى مسدد وكله بواقى اكل وصحون وكوبايات ومعالق ووووووووووووو
الارضيه رز منتور على زيت مطرطش على قشر بصل وتوم طاير ووووووووووووووووووووو
طب هتعملى ايه مع كل الحاجات دى لو حصلتلكâپ‰ï¸ڈ
اولا ادخلى على الحوض فضى كل اللى فيه ونضفيه وشيلى اى حاجة مسداداه على الرخامة اللى جنب الحوض نضفى الطباق كلها ورصيها على بعض والمعالق والشوك كلهم رصيهم مثلا فى دورق ميا والحلل اللى فيها عايز يترمى ارميى واللى عايز يتحط فى علب التلاجة حطيه واللى فيه حاجة ملزقة وعايز يبوش حطى فيه مياة
نضفى كل اللى على البوتجاز متخليش عليه حاجة
بالنسبة الرخامات لمى كل علب البهارات وامسحيها ورصيها مكانها وهاتى كيس ولمى فيه كل قشر البصل والتوم وبواقى الخضار والاكياس اللى ملهاش لازمة نضفى الرخامة خالص من كل اللى عليها وفوط المطبخ اغسليها بسائل التنظيف وانشريها تنشف
والارضيه هاتى مقشة واكنسيها كده هتلاقى الفوضى خلصت البوتجاز فاضى والرخامات نضفت والارض كمان
ادخلى على المواعين اولا بشوية كلور حطيه فى بخاخ ورشى بيه الحوض ينضف واغسلى الكوبايات الاول والطباق والمعالق وبعدين الحلل حطيها تتجفف الاول وبعدين دخليها الدواليب
وهاتى رولة مناديل وخليها للمطبخ وامسحى بيها البوتجاز والعيون علشان تحافظى على فوطة مطبخك نضيفة
بعدين بليفة وشوية سائل منظف ادعكى البوتجاز وبعدين امسحيه بالفوطة وياريت تبقى ناشفه علشان تمتص الرغوة كويس
ادخلى على الرخامات وبرضه لو عليها حاجة مزيته امسحيها بالمناديل وبعدين بفوطة عهليها خل وامسحى بيها
الارض هاتى سائل تنظيف الاطباق ومكنسة خشنة وادعكى الارض الاول وبعدين بميا وخل علشان السيراميك يلمع
فوطالمطبخ كل فترة اغسليها مع منظف وخل وانشريها وياريت تتطبقيها وتخصصى مكان ليها فى رف تبقى دايما نضيفة
وسلامتك وتعيشى ومتعملهاش تانى اول باول حطى كل حاجة فى مكانها ومش هتحتاجى للمجهود ده كله