ازيكم يا احلى بنات وحشتونى جدا والله انا النهادره طول اليوم كنت بره ما اعتش فى البيت ولو اعرف ان ديدى محدده معاد ومسافره كنت جيت عشان اقابلكم وحشتينى اوى اوى يا مايوها يا حبيتى وحمدلله على سلامتك ومش مشكله الى فات فكرى فى بكره يعنى انتى عملتى الى انتى نفس فيه وهو انك رضيتى شهيتك واكلتى ولخطبتى قولى مش كل مره لو سبتى نفسك النفس اماره بالسوء فماطويعش نفسك على الاكل وانا قريت ان انتى بعد الاكل تعد دماغك شغاله بالاكل وعايزه تاكل لمده 20دقيقه وبعد كدا دا يقف والاحساس بالجوع دا يتوقف وان شاء الله نخس يابنات وحنا طبعا حنبتدى المسابقه كلنا مع بعض هنا ومش حنسيب بعض وان شاء الله حنخس حنخس
انا النهادره بهدلت الدنيا مش حقول عملت ايه عشان ماحدش يعمل زى
وزنى اعتقد زى ما هو مافيش تغيير بس معقول يا ديدى اعد يومين سوائل فقط مافيش اى اكل
انا كدا يحصلى هفتان
حشوف لما تخلص الهانم وايه المنتدى كله جاله البيرود على حسي انا ورونى الله ينور يارونى تاثيرنا ساااااااااااحر
دا غير بقى الى انا بسمعه من اهلى عمامى كانوا مسافرين ولسه جايين وكل الى يشوفنى يقلى خاسيتى كتير اوى كفايه كدا انا طولى 155 بس عريضه من فوق فعضمى تقيل فالله اعلم بقى لما اشوف منظرى لما اوصل ل60 حيكون ايه ويابنات ما تقلقوش انا عمى بيقولى ان هو كان بيعمل رجيم واعد فتره الميزان مش بيتحرك عدت فتره هو بيخس بس الميزان ثابت مره واحده لقاه الميزان نزل وزنه بان رغم انى مش مقتنعه بس اهو نتعلق باى امل صغيور
ابقوا طمنونى عليكوا يا قمرات وتسافرى وتوصلى يا ديدى يا حبيتى بالف سلامه