هند ميرسي جدا على ترحيبكم بيا انتي وديدي ويارب كلنا نشجع بعض بدل الخيبة اللي الواحد بقى فيها دي
طبعا مش عايزة اقولك كمية العك اللي عكيته اليومين اللي فاتوا دول وحاسة اني بقيت 80 دلوقت يعني صباح الجاتوه والممبار والمكرونة بالبشاميل اللي كلتهم ، انا عارفة انكوا هتقتلوني بس ان شاء الله من بكرة هبتدي تاني انا وأختي ومعاكم طبعا وربنا يهديني ويقويني
ديدي لو بتسألي على اسمي هو ملهوش اي معنى بس انا ساعات بنادي ولادي بأسماء غريبة على حسب ما بيطلع من بقي يعني ابني الصغير اسمه احمد واول ما تولد كنت بقوله كنتوتة وكانتيتا .... هتسأليني ايه علاقة احمد بكنتوتا ؟؟ هقولك والله ما اعرف ممكن فراغ او هبل مني هههههههه
المهم انا جبت الأبل لايت اللي قولتي عليه بس مش منتظمة عليه اوي بس ان شاء الله هنتظم عليه وابقى اقولكم على الأخبار وميرسي ليكم مرة تانية