الله يجزيكم الخير كل البنوتات.. وشكر كبير الك ملكة..
بدي قول أحلى شي التنوع لأنه كل جسم اله طبيعته وبستفيد على مشروب او دايت معين..
انا كما متل حالاتكون الي تجارب سنيييين مع الرجيم..
المشي تلت ارباع الساعة الصبح.. والمسا.. وكنت آكل كل شي بخطر عبالي معجنات.. وشوكولاته.. ونزل وزني مع الاستمرار عل مشي من 70 الى 60 بس اخدت معي اشهر.. ولما وقفتها رجعت الوزن كله
عملت تخفيف اني آكل كل الأكل الموجود والطبيخ كله (بس أقلل كمية الرز) بس بشرط بدون خبز نهائي (ولا حتى أسمر) وآكل كل شي حتى على الفطور اللبنة والجبنة والمتبل والحمص ممم.. آكلها بشوكة أو أغمسها بشرائح الجزر والخيار.. وغير هيك لأني بحب الشوكولا كتيير وصعب امتنع عنها.. خصصت لوح شوكولاه كامل.. بس ما باكله الا الصبح بكير بعد هيك مستحيل آكل شوكولاه وبكون أخد حاجتي منها ما بشتهيها بقيه النهار.. داومت عليه أشهر الصيفيه ونزلتلي تقريبا خمسة كيلو
بعد هيك عشت لحالي مدة سنه بلامارات فعملت نظام صارم اني معد جبت اي اكل يسمن على البيت ابدا لا شوكولاه ولا خبز وعلى معجنات... وكل مشروبايتي دايت حليب قليل الدسم عصير بدون سكر.. كنت اشرب عصاير كتير.. والغدا سلطة بروكلي وجزر ودرة مطبوخة على البخار مشان تحتفظ بفتيميناتها.. ولما يجي على بالي الحلو.. آكل مربى دايت.. والمايونيز دايت.. ومافي لا سمن ولا زيت الا زيت زيتون للسلطة.. شعرت بخفة ونشاط ومع هل حميه كنت آخد مشروب الزعتر من زين الأتات الي ساعدني عل هضم وروحلي النفخة.. وكنت آكل تونة كتير.. واشرب جريب فروت وأناناس وشاي أخضر.. المهم خلال ست أشهر نزلت تمانيه كيلو بس من كل جسمي يعني بدون رياضة كان جسمي مشدود ومتناسق..
وحاليا بعد الزواج طلع وزني للحد اللامعقول.. وصعب كتير أعمل أي حمية.. فلما يئست.. جبت حبوب قاطع شهية من أمانه كير.. (سيفين سليم) بقول انها طبيعيه ومالها اعراض جانبية.. اخدت تلت حبوب على مدة تلت ايام حبة يوميا قبل الفطور بنص ساعة.. ما بتصدقو ماعد طقت الاكل وصرت بس آكل مجامله حتى الشوكولا معد اشتهيتها.. وبتلت ايام نزلت تلاته كيلو..
انا مابحب الاشياء الغير طبيعيه لكن المضطر شو يساوي.. بس بعدين بليوم التالت صرت حس بدوخه ولعية نفس.. ما عرفت ازا من الحبوب او من الحمل.. المهم وقفتها.. وهلأ أنا حامل.. (ادعولي بتمام على خير).. قررت مارح اطلع عل ميزان لحتى أولد.. لأني عم باكول كل شي بيخطر على بالي.. والله يستر..
ان شاءالله ماكون طولت عليكون.. لكني حبيت تستفيدو من تجاربي.. ولله أحلى احساس لما الوحده تخسر الوزن الزايد وتحس بلخفة والرشاقة.. الله ينحفنا كلنا بصحة وسلامة..
والله يجزيكي كل خير اختي ملكة