class="quote">اقتباس : المشاركة التي أضيفت بواسطة ام جومانةومعاذ:
السلام عليكم ورحمة الله وبركاتة
ارجوكى يا دكتورة ساعدينى جعلة الله فى ميزان حسناتك
فانا زوجة وام لطفلين لكنى ضعيفة الشخصية جدا لااستطيع اتخاذ اى قرار وعندما تواجهنى اى مشكلة الجا الى الاخرين كى يقولو لى ماذا افعل وهذا يتعبنى جدا ولا استطيع التحكم فى نفسى ابدا
فانا ضعيفة الشخصية جدا امام زوجى مما جعلنى ليس لى اى راى فى اى شئ فقد اصبح زوجى متسلط على جدا فهو يعلم انى لا استطيع ان افعل اى شئ حتى مجرد ان احتج علية فلن يحدث فليس لى كلمة ابدا
فالان انا اعانى مع زوجى جدا لدرجة انة اصبح يضغط عليا ويتفنن فى ازلالى لاهلة واهلة يريدون ان يتحكمو فى منزلى وان لا يكون لى اى كلمة فى المنزل وزوجى يعلم ذلك وفى صفهم ضدى لانة يعلم انى لن افعل اى شئ وسارضى بما يريدون ولن احتج
فالان انا وزوجى على وشك الانفصال وساخبرك عن السبب وارجوكى ساعدينى فهذة هى المرة الاولى التى اقف فيها امام زوجى لادافع عن نفسى وبيتى
ارجوكى لاتملى منى
فانا متزوجة منذ 4 سنوات زوجى يكبرنى بعشرة اعوام ويعمل فى الخارج وغير مقيم معى وام زوجى متسلطة جدا تريد معرفة كل شئ فى بيتنا وليست هى فقط بل اخواتة البنات الثلاثة كل واحدة عاملة عليا زى العسكرى وبصراحة خنقونى جدا وبخاف منهم جدا
فانا وزوجى كنا نسكن فى شقة ايجار حتى ننتهى من تجهيز منزلنا
واثناء غياب زوجى اجلس عند امى واذهب لمنزلى عند عودة زوجى
ويوجد نسخة من مفتاح الشقة مع والد زوجى فاثناء غياب زوجى اخذ اخو زوجى المفتاح وذهب الى الشقة فى الساعة الخامسة صباحا بحجة انة يريد المذاكرة وانا كنت اذهب احيانا مع امى للمبيت هناك وعندما علمت بذلك خفت ان اخبر زوجى حتى لانتشاجر
وبعدها بفترة ذهب اخوة الاخر وكنت اضع ملابس خاصة بى فى غرفة نومى واخوة اتفرج على الشقة كلها بدون علم احد وايضا لم اخبر زوجى خوفا منة
وعندما انتهينا من تجهيز شقتنا الجديدة قمت بتغير المفتاح حتى لايدخل احد من العمال الشقة بدون ان اكون موجودة ومع والد زوجى نسخة من المفتاح
وكنت انوى المبيت فى الشقة ولكنى ذهبت الى بيت امى لان الشقة كانت برد جدا على الاولاد والحمد لله انى مشيت لان والد زوجى اعطى المفتاح للسباك عشان يركب السخان بدون علمى او علم زوجى ودخل السباك لوحدة الشقة فى نفس اليوم الى كنت انوى فية المبيت فى الشقة
وعندما واجهت زوجى ولاول مرة منذ زواجنا اواجهة
واعترضت ان اى حد يدخل الشقة بدون اذن وان هذا حرام
فوجئت ان زوجى يقول لى ان اذا كان عجبنى ولو مش عجبنى اروح الم حاجتى من الشقة وقبل ما اذهب الى الشقة اتصل استاذن منة الاول وان مليش اى حاجة خالص فيها
وان هيورينى ايام سوداء وانة عامل الشقة دة بفلوسة وانى مليش كلمة ومليش راى وانى زى اى كرسى فى البيت
فانا الان ولاول مرة اقف امامة واواجهة ولكنى خائفة الا استطيع ان اكمل فانا ضعيفة الشخصية جدا وجبانة جدا واخاف من زوجى جدا
وانا الان لااتحدث معة ابدا وانوى عندما يعود الا اذهب معة الى البيت لانى اعلم انة لن يتنازل عن ازلالى وتاديبى باى طريقة حتى لا افعل ما اريد والا اتحدث عن اهلة مرة اخرى فانا اخاف منة جدا
واريد ان يكون لى منزل خاص بى لايشاركنى فية احد وان يكون لى فية كلمة مسموعة ولكنى اخاف المواجهة وزوجى يعلم ذلك
وامى تحثنى على عدم الخضوع لة وان ااخذ موقف معة حتى يعود الاحترام بيننا ويصبح لى كيان خاص ولكنى خائفة جدا ان لااكمل المواجهة واتراجع فاذا تراجعت لن يرحمنى زوجى
ارجوكى ساعدينى حتى يحترمنى زوجى ويصبح لى كيان وشخصية فانا ضائعة ولا ادرى ماذا افعل
اعلم انى اطلت عليكى ولكن ليجعلة الله فى ميزان حسناتك
والسلام عليكم ورحمة الله وبركاتة
حبيبتى انتى كان لازم من البدايه يكون ليكى شخصيتك المستقله لانه ده بيتوقف عليه حجات كتيييييييييير جدا في حياتك
مع زوجك ومع الاخرين غلطتك من البدايه انك مش رسمتى لنفسك الكيان الخاص بيكى وعلى فكره كووووووول الرجال يعشقون المرأه صاحبة القرار
ولكنننننننن ليس بفرض الراي بالقوه واجبار الزوج عليه بس اللى لازم يكون انه يحس انك ليكى شخصيتك المستقله ولكن في نفس الوقت خاضعه له ولكن بالحب يعنى بالبلدى كده ( متفكرش ان خضوعى ليك ده خوف او جبن منك هوه حب واحترام لرايك وكيانك كرب اسره وراجل البيت لانك ببساطه مش هتعلقلى مشنقه كل الحكايه انى بطيع ربنا فيك لان ده اللى امرنى بيه ربى وكمان من حبي ليك )
اختى الحبيبه
زوجك بيعاملك كده لانه متأأأأأأأأأأأكد انك مش هتقدرى تكوحى معاه هتلفى تلفى وترجعيله تحت امواره ده من وجهة نظره وكمان انتى اكدتيله ده من خلال معاملة اهله معاكى وكمان اولادك يعنى انتى مش سبتيله مساحه لمجرد الشك انك ممكن تاخدى قرار وراي صارم معاه مش بقولك خوفيه بس اجبريه علي احترامك
موضوع مفتاح الشقه
حبيبتى انا اتجوزت من سنه بالظبط نفس القصه جوزى مسافر واتجوزنا وقالى هسافر وابعتلك طب اوكى.. طبعا انتى هترجعى بيت باباكى جميل ..ده لازم قولتله اكيد لان لا انا ولا والدى هنرضي بكده اوكى طب بالنسبه للمفتاح قولتله سبحان الله في طبعك يا اخى شقتى ...ممتلكاتى ....جهازى ...ملابسي طبعا المفتاح نسختين خد هوه معاه نسخه وطبعا النسخه الوحيده التانيه معايا لحد كده تمام
جيت بقي بعد فتره بعتلى وانا هسافر قالى هتدى المفتاح لمين باباكى ولا بابايا قولتله طبعا لوالدى انا لان مش هبقي مطمنه علي حاجتى غير كده طبعا ايه يخلينى اسمح لحد من اخواته الصبيان او البنات انه يدخل يفتش علي حاجتى بس طبعا يا حبيبتى مش قولت كده
انا قولتله حبيبي انا هدى المفتاح لبابا عشان اتكسف ان حد من اخواتك او باباك او مامتك يدخلوا شقتنا ويشوفوا حاجتنا وكلام من ده يعنى من الاخر جبته عن طريق المحبه مش الاجبار انى بأمرك وانت لازم تنفذ
انتى لازم تصلحى الاخطاء الشنيعه اللى عملتيها في حياتك لان ده هيبقي المنوال اللى هيمشيكى بيه وسورى يعنى ان كان عاجبك زى ماهو قال
نصيحتى ليكى ................ مبدئيااااااااااا
ادخلى عن طريقك قلبه استعطفيه بس بقوة الانثى وضعفها بين ايديه
اول حاجه
يعنى حبيبي كان هيبقي احساسك ايه مثلا لو مراتك دخل عليها راجل غريب وهيه نايمه او اخوك ودخل فجأه وانا لابسه كذا فاهمانى استفزي رجولته دى حاجه
تانى حاجه
موضوع هوريكى ايام سودا تردى بلغة الانوثه يعنى مراتك حبيبتك ام اولادك تهون عليك تسمعها الكلام ده كده يعنى
تالت حاجه
انتى لااااااااااااازم تتمسكى برأيك واما يرجع بالسلامه مش تروحى معاه وتصبري وتثابرى لانه لازم هيجى حتى لو مش عشانك اكيد عشان اولاده اكيد هيطلب منك تروحى معاه قوليله احنا لازم نحط حدود لحياتنا او بالبلدى كده نحط النقط عالحروف وتبدأى تتكلمى معاه
لو لقيتى منه استهتار وعدم اهميه لكلامك اسكوتى ومتتكلميش معاه
حتى لو روح وسابك عند اهلك
جمدى قلبك اوى لانه ده بمثابة
انقاذ لحياتك كلها لو رجعتى معاه علطول هتبقي كده العمر كله سابك ومشي طنشي واتقلى شويه صدقينى عارفه انه صعب عليكى بس اجمدى وقوىى قلبك اوى وصدقينى
هيرجعععععععع
جربي ده مبدئيا وانا معاكى يا اختى لو حبيتى تستفسري عن اى شيء انا موجوده وايميلى كمان لو حابه صدقينى انا عاوزه اساعدك ويارب تردى عليا تطمنينى