عرض مشاركة واحدة
كتبت : ام جومانةومعاذ
-
class="quote">اقتباس : المشاركة التي أضيفت بواسطة snowwhite_en:
اوووووه ام جومانه حبيبتى انا مش قريت الرساله التانيه الموضوع كده تعدى قوة الشخصيه واتخاذ القرارات
حبيبتى هسالك شوية اسئله
انتو بتحبوا بعض ؟؟؟
ايه هيه مميزات علاقتك بجوزك من وجهة نظرك حتى قبل الاولاد ؟؟؟؟
اتجوزتوا ازاى يعنى اتعرفتوا ببعض على اى طريقه ؟؟؟؟
ايه من وجهة نظرك بيشد جوزك ليكى او بمعنى تانى هوه اختارك علي اى اساس ؟؟؟
جاوبينى وربنا يقدرنى وارد عليكى لانى شايفه الدكتوره مشغوله جدا الله يكون في عونها مش لاقيه وقت ترد عليكى
ومش تستغربي انا ليا صديقات كتير كان عندهم مشاكل في بيوتهم وانا اعطيتهم رأى فيها والحمد لله عايشين بكل الحب والموده واتمنالك الهخير من كل قلبي
السلام عليكم ورحمة الله وبركاتة

والله ياحبيبتى انت سالتى اسالة زى مابيقولو جت على الوجع

سؤالك انتو بتحبو بعض ؟

جوابة عندك يعنى كل الى بيعملو فيا دة يبقى بيحبنى اكيد لا
وصبرى علية دة كلة يبقى بحبة بس صدقينى دلوقتى مش حاسة نحيتة باى حاجة خالص

مميزات علاقتى بجوزى هتصدقينى لو قلتلك ان مش شايفة فيها اى مميزات حتى علاقتنا مع بعض مفيهاش اى مميزات

اتعرفنا ببعض عن طريق العائلة لان خالى متزوج من اختة واول مرة شفتة كانت قبل قراءة الفاتحة بيومين وكان تعارف عائلى

مش هقولك انة اخترنى على اساس الدين لانى مكنتش ملتزمة وقتها لكن الان الحمد لله
هو اخترنى على اساس المستوى الاجتماعى والثقافى والمادى
لان هناك فرق بين مستوى العائلتين فانا اعلى منة فى التعليم والمستوى الاجتماعى والمادى
عارفة انا ساعات بحس انة متجوزنى طمع

والفرق كبير جدا لايمكن التغاضى عنة فوالدى عميد بالقوات المسلحة ووالدة ساعاتى ولكنى تغاضيت عن هذا المستوى لان اخواتة البنات منتقبات وهو من رواد المساجد ولكن فوجئت ان هذا غير كافى وان البيئة عليها اكبر عامل

وانا مش عارفة اتعامل معهم اسلوبهم وطريقتهم وتربيتهم غيرى خالص انا بقرف اروح عندهم وبقرف اكل من اكلهم او استعمل اى حاجة عندهم

وسبب مشكلى مع زوجى بسببهم
زوجى كان مريض ومامتة صممت انة يخرج من المستشفى ونروح نقعد عندها وقعدنا عندها اسبوع كنت بروح بيتى كل يومين عشان استعمل الحمام لانى بقرف منهم

انا مكنتش متخيلة ان فرق المستوى ممكن يدهور علاقتى بزوجى بالطريقة دة وهو كمان اسلوبة معايا فى الحوار او النقاش غير متحضر بالمرة اسلوبة همجى جدا مش بعرف ارد علية خالص

ساعدينى يا اختى ولكى خير الجزاء