الموضوع
:
تيجوا نقرب من ربنا خطوة
عرض مشاركة واحدة
كتبت : روعة الإيمان
-
تيجوا نقرب من ربنا خطوة
بسم الله الرحمن الرحيم
السلام عليكم و رحمة الله و بركاته
كتير مننا يا جماعة بيكون نفسه يصلح من نفسه بس مش عارف
و مستنى الحل ينزل من السماء عشان يتصلح
مستنى إنه ييجي اليوم .. اللي يصحى فيه من النوم
يلاقي نفسه بقى بني آدم تاني خالص
فجأة كده
يلاقي نفسه بقى بيكره المعاصي و عمره مابيفكر فيها
و بقى مجتهد في العبادة و الدعوة إلى الله و طلب العلم ... إلخ
و لحد ما تحصل المعجزة دي
هو مستنى .. و مش عاوز ياخد خطوة
و كل ماتيجي قدامه حاجة يعملها .. يستهيفها
يقول في نفسه .. يعني دي هي اللي هتصلحني يعني
أنا لازم أعمل حاجةكبيرة جدااا
ربنا بيقول في الحديث القدسي
(
إذا تقرب العبد إلي شبرا تقربت إليه ذراعا ، وإذا تقرب إلي ذراعا تقربت منه باعا ، وإذا أتاني مشيا أتيته هرولة
) رواه البخاري
خدت بالك ؟؟؟
العبد يتقرب الأول شبر .. ربنا يتقرب ذراع
يعني انت لازم تاخد الخطوة الأول
و ربنا هييسرلك
امشي في الحاجة المتاحة قدامك .. و تبقى خدت خطوة
و ربنا سيأتيك هرولة
احنا في الموضوع ده هناخد خطوة
عشان نقرب بيها من ربنا
خطوة ممكن تكون في نظر بعض الناس صغيرة
و لكنها خطوة .. ناس كتير اتقدمت في طريق ربنا و عليت في الدين بسببها
كلامك اللي انت هتقوله ده هيبقى من باب الدعوة إلى الله ..
و لئن يهدي الله بك رجلا واحد خير لك من حمر النعم
إيه رأيكم ؟؟؟؟؟؟؟؟
تعرفوا اد ايه جزاء انكم تقربوا من ربنا بترك شىء بتحبوه فى هذه الايام الكريمة تقربنا الى الله عز وجل
مننا اللى حيقول ويعاهد الله عز وجل ويقول
يا رب انك حصلى جماعة فى المسجد
انا حصلى يا رب فى وقت الصلاة مهما كان ورايا حاجة
مننا اللى حيقول يا رب انا حسيب سماع الاغانى اللى بحبها تقربا لوجهك الكريم
حختم القرءان يا رب كل شهر
مش حتكلم ابدا تانى على حد النميمة
مش حصافح النساء ابدا
حتحجب الحاجاب الشرعى يا رب
وحسيب الموضة من اجل رضاك عنى يا رب
قربوا كدا ولو بحاجة بسيطه وشوفوا رب العباد اد ايه حيفرح بقربكم وحيتقرب منكم يا الله
كم انت روؤف رحيم يا ربى
اشهدك واشهد جميع خلقك وملائكتك وجميع خلقك
انى احبك
جزاكم الله خيرا
يا ريت يا ريت يكون فيه تفاعل وكل واحد يدخل يقول ايه الشىء اللى تركه لوجه الله الكريم
مين حيبدأ يعاهد الله من اليوم
__________________
مدونتى
http://waytogana.maktoobblog.com/