ممكن اشترك معاكى تانى ياام تارة بجد موضوعك جميل اوى وانا افتكرت كلام تانى
مع ان الكلام فى الحياة مابيخلص طول ماانتى عايشة بتتعلمى وبتستفيدى وبتفيدى غيرك
علمتنى الحياة ان اليوم لازم الانسان يستفيد منه ويتعلم من اللى بيحصل حوليه واللى بيحصل فى العالم
ويتعظ ولازم مايعدى اليوم غير لما يدى لربنا حقه فى الصلاة وذكر الله دايما ويدى لكل انسان حقه عشان يبقى نايم مرتاح البال
وعلمتنى الحياة مااجيب فى سيرت غيرى حتى لو فيه صفة وحشة اذكرو بكل خير عشان مااشيل ذنب غيرى
وعلمتنى ان اقول الحق دايما وعمرى ماكدب على حد ابداعشان اخر الكدب طريق مسدود وبيوقع الانسان فى مهالك لقدر الله
وعلمتنى اهم حاجة ان انا اطيع والدى وزاى مادولى حقى لازم اديهم حقهم عليا
وعلمتنى ان اكون قوية مااكون ضعيفة ابدا لان الانسان الضعيف بيتعب اوى فى حياته وانى اكون قانوعة ماكبرش على حد مهما كانت معلوماتى وان ابتسم فى وجه غيرى مهما كان لان الابتسامة فى وجه اخيكى صدقة
وعلمتنى ان لازم احب الدنيا عشان اقدر احقق كل اللى انا عايزاه واحب الناس لان الناس اهم حاجة ومعرفة الناس كنوز
انا طولت عليكى بس انا قولت على ادى بقى لانى لسة ماتعلمتش اوى من الحياة لسة عندى22 سنة لما اجوز ان شاء الله لسة هتعلم كمان وكمان
وانا بعتبركم اخواتى واصحابى وربنا يجمعنا على خير دايما