بسم الله الرحمن الرحيم
خواتي العزيزات
طبعا حبيت اشارك و اكتب رأيي بالموضوع لان بصراحة موضوع واقعي و حلو و همين هاي تجارب الكل تنطرح علة الطاولة للمناقشة و للاستفادة بشكل عام
بالنسبة لتجربتي الشخصية فأني تعلمت هواية شغلات من حياتي..خصوصا الي يعيش ببلد غربة يعني مو بالبلد الاصلي مالتة.
تعلمت انو ثقتي صعب احطهة بمكانهة الصحيح يعني, انو لازم اعرف المقابل كلش زين و اكون متأكدة من عندة يلة ابدي شوية شوية انطيه من الثقة مالتي..لان الثقة اذا انوضعت بمكان خطأ رح تسبب هواية مشاكل...و خصوصا الاسرار و المعلومات الشخصية عند الطرف الاخر.
تعلمت من حياتي انو اعتمد علة نفسي بهواية امور..و اكون جريئة اكثر لمن استرد حق من حقوقي او شي عائد الي
تعلمت همين انو رب العالمين سبحانه و تعالى عادل دائما و ميخيب ظن احد..يعني الي يظلم و يغلط لازم يجيه يوم و يتحاسب علة الغلط بالحياة الدنيا ..و انو الظالم يجيه يوم و يدفع ثمن ظلمه لغيرة
و تعلمت همين اذا اصنع معروف لو عمل خير لغيري فرح اتعوض عليه بخير اكثر و اكثر..يعني يجيني ضعف عمل الخير الي اني سويتة..
طبعا احترام الناس و الي اكبر مني بالعمر..و اختيار الاصدقاء بعد تدقيق و تمحيص..لذلك معارفي هواية لكن صديقاتي لا يتعدون الخمسة
تعلمت انو ادافع عن مبادئي و عقائدي و الاراء مالتي و انو ابدا ما اخلي مجال للخطأ يدخل..و ادافع و احافظ عن الدين الاسلامي...و اسامح المخطئ لان هالحياة فانية و متستحق زعل و عداوة
هاي لمحة من اهم الدروس الي بحياتي...و ان شاء الله ربنا يبعد عنكم كل سوء
تحياتي
اختكم عسل بغداد