السلام عليكم ورحمة الله وبركاته
اخواتي انا هحكيلكم قصتي
احنا 3 بنات في بيتنا وكان عندنا اخت الاكبر مني بشوية كانت عايزة تلبس النقاب بس والدي ما رضي ابدا وبقا انتو عارفين اهلنا دايما بيكون رفضهم بسبب امن الدولة هيقبضو عليكي وهتودينا في داهية والكلام ده وامي كانت علطول تقولها هتتجوّزي ازاي؟؟؟؟؟محدّش هيشوفك وهتبوري والكلام ده
وبعدين اختي فضلت تتحايل عليهم بس هما ابدا راسهم والف سيف ابدا مفيش نقاب لدرجة ان والدي قال لما اموت ابقي البسيه فاختي فقدت الامل في لبسه بموافقتهم فلبسته من وراهم يعني تخرج من البيت تلبسه عند الباب تحت ولما تيجي تخلعه قبل ماتطلع بس علول انكشف امرها وعرفوا ووالدي زعل جدا وقالها مش هتخرجي من البيت ومش هتكمّلي تعليمك فوافقت وقعدت بس اسبوعين وصالحته ونزلت وكمّلت تعليمها
وبجد ربنا كريم عارفين جالها في تاني اسبوع من لبس النقاب 6 طالبين ايديها من والدي وماما مكنتش مصدقة وقعدت تقول جاينلها على ايه هما شافوها ؟؟؟؟؟؟؟؟؟؟؟؟؟؟؟؟؟؟؟؟
وبعدين فكّرت في النقاب بصورة جدّية وقلت هلبسه بس طبعا بابا كان لبس اختي للنقاب غصب عنه زعله من النقاب اصلا ورفض تماما اني البسه انا واختي التانية وفضلت احايله مرضيش قلت اعمل زي اختي ونزلت بيه ولما شافني زعل جدا وكانت مشكلة كبيرة وانا كنت الصغيرة في البيت زي مابيقولو دلوعة ابوها ومكنتش
اقدر استحمل انه يزعل مني ابدا (الله يغفر له ويرحمه ادعولة بجد)فقلعت النقاب علشان بابا يرضى عني وبعدين فضلت الفكرة في دماغي وفضلت ادعي لربنا (لكل اخت عايزة تلبسه اهدي لكي دعاء قيام الليل)وفضلت اقنع بابا وهو مش راضي ابدا وماما كانت ملقلقة لاني كنت في الثنويةوعمري 18 سنة وكانت بتقول لما تخلّصي المدرسة
وفضلت على كده لحد ما ربنا اراد وصاحبات اختي جابوا شريطين عن النقاب للشيخ محمد حسّان والشيخ محمد حسين يعقوب وسمّعتهم لبابا فوافق ولله الحمد ونزلت بيه بس المدرسة طلّعت عيني كانو بيعاملونا معاملة الارهابيين في المدرسة والله شوفنا الذل كانوا كل كام يوم يلمونا ويخلونا نمضي على تعهدات عجيبة في المدرسة ولو كان حد يشوفك لابسة النقاب في المدرسة تبقة مشكلة لدرجة كنا بنضحك عليهم ونفصّل نقابات لونها ابيض علشان ما يخدوش بالهم منناوفي مرة مدرس قال للناظرة حرام عليكم هما علشان محترمين تعملو فيهم كده حوّلوه للتحقيق وعملوله مشاكل علشان قال الكلمتين دول والحمد لله ربنا هو اللي كان بيكرمنا ويرعانا ويحمينا وفي الاخر الحمد لله ربنا كرمنا وثبتنا عليه لحد دلوقتي ويااااااااااااااااااارب يثبتنا عليه لحد الممات اللهم امييييييييييييين
طوّلت عليكم بس القصة للافادة علشان الاخوات يستفيدوا ويصبروا ويصمموا بس يستعينوا بالله وهو المعين
انا في انتظار قصص الاخوات