الموضوع
:
صينية دجاج بالبطاطس والبشميل + سبرنج رول
عرض مشاركة واحدة
كتبت : ياسمينة البحرين
-
صينية دجاج بالبطاطس والبشميل + سبرنج رول
السلام عليكم ورحمة الله وبركاته
حبيت اعزمكم عالعشى اليوم..بمناسبة حصولي على وسام * طباخة متميزة*
العشى عبارة عن صينية دجاج بالبطاطس والبشميل + سبرنج رول...كله من اعدادي طبعا
نبدي اولا بالطبخة الرئيسية...
المكونات : صدور دجاج , بطاطس , بروكلي , فلفل اخضر بارد , بصل وثوم وبهارات مشكلة..
الطريقة :
نفوح الصدور اولا..
بعدين نفوح البطاطس في نفس ماي الدياي يصير عشان ياخذ الطعم..واللي مايحب مو شرط
عقب ماجهز الآلو...سه+ شوية حليب وزبدة وملح..جنه بنسوي ماش بتيتو
..
الحين نسلج الدياي
عقب نحمسه ويا البصل والثوم والخضرة الموجودة..وكل واحد وذوقه..ساعات اسويها بالمشروم والذرة . على حسب المزاج
نحط الآلو فالبايركس ونسويه سيدة
عقب نحط فوقه طبقة الدياي
نسوي الباشميل عبارة عن حليب وطحين وزبد وجبن انا احط فيه ورشة ثوم مطحون يعطيه نكهة حلوة
نصب الباشميل عقب ما غلظ على البايركس.
ندخله الفرن نخليه يتحمر من فوق بس...
اووووبس
ههههه بس لاتحاتون شاليت الطبقة المحترقة .تقوم بسهولة وايد..وهاي الصورة النهائية..
[IMG]http://i402.photobucket.com/albums/pp102/ma3shooqa/P1030261.jpg[/IMG
]
والطبق الثاني عبارة عن سبرنج رول محشي بالجبن الشدر او السلايس ويا ذرة و بعد سويت محشي بالجبن فيلادلفيا او كيري ونصب فوقه عسل..كحلاوة
هاي بالفيلادلفيا وفوقه عسل
وهاي بالجبن والذرة..
عليكم بالعافية...وسامحووونا عالقصور...
منقوووول