الموضوع
:
المقلوبة العراقية ... بالصور
عرض مشاركة واحدة
كتبت : سالي بغداد
-
المقلوبة العراقية ... بالصور
بسم الله الرحمن الرحيم
اليوم طبقنة المقلوبة العراقية وبالاخص الموصلية
مثل ماتعرفون :: المقلوبة :: اكله عراقية لذيذة جدا
تفننت امهات المطابخ بطبخها
فمنهم من يضيف ويزيد او يغير بيها
وصراحة اكثر مقلوبة تعجبني .. اللي بالبرغل، وعموما اهل الموصل يسووها
والمقلوبة عبارة عن طبقات من الخضروات والدجاج او لحم الغنم ترتّب بشكل افقي في قدر الطبخ
ومن ثم يضاف اليها كطبقة اخيرة الرز
وعموما يستخدمون الرز الاحمر وفي بعض الاحيان مو احمر
رح نجي نذكر المكونات والمواد المستخدمة
..
دجاجة كاملة مقطعة <<<
او بالإمكان ان يكون لحم غنم قطع
خضروات :
باذنجان
كوسة - شجر
طماطة
فلفل
بطاطا
بصل
ثوم
،
،
رز - معجون - زيت - ماجي
..
هاي صورة للخضروات لكن مو كاملة بس نصها
والدجاجه
وهاي صورتها
بين ماتذوب الدجاجة نحضر الخضروات وباقي التزاهيب
واول ما نسويه
نخلي الدجاجه بالماي ونغليها
ونضع وياها بهارات
والي خليتها اني
فلفل اسود ، دارسين رشة خفيفة ، حبتين هيل،
بهارات مشكلة وحبة ماجي
بدون ملح طبعا
حتى تستوي الدجاجة اسرع
بين ما تنسلق الدجاجة نجي نحضر الخضروات ونقطعها
الخضروات اللي ذكرناها
كلها رح نقطعها
هاي الباذنجان والكوسة - طبعا الكوسة اختياري
/
\
وهسة نجي ع الفلفل والطماطة والبطاطا
نقطع البصل ايضا حلقات مع 5 حبات ثوم بقشرها
نجيب الجدر ونخلي شوية زيت بأسفله
ونضع حلقات البصل مع فصوص الثوم ع النار
بعد مايصير البصل اشقر.. نضيفله حلقات الفلفل
ولما تذبل شوية
نضيف حلقات الطماطم
وبنفس الوقت على عين نار ثالثه نقّلي البطاطا
والباذنجان والكوسة
وهاي حلقات البطاطا بعد القلي
بهالاثناء رح يكون الدجاج استوى تماما
نشيل الدجاج من الماء
ونضعه جانبا
ونحتفظ بماء الدجاج حتى نطبخ بيه التمن . .. الرز الاحمر
نجيب كاسين ونصف رز نظفه ونغسله
نخلي زيت بالجدر ونضع عليه 3 معالق معجون .. نحمس المعجون
بعدين نضيفله الرز
ونقلب قليل .. لان ان نقلبه كثير رح تتكسر حباية التمن
وبعدها نضيف المقدار الكافي للرز من ماي الدجاج
مع الاحتفاظ بكمية قليلة منه تقريباً نص كاس
هنا راح نكون مكملين كل المقالي عدا الدجاج
ونبدي برصّ الباذنجان والكوسة اولا فوق الطماطم بعد ان تستوي شوية او تذبل
وفوقها البطاطا المقلية بشكل مستوي
وهاي البطاطا
/
هنا نقوم بقلي قطع الدجاج
/
\
بعد ماطلعنا القطع
نرصها فوك البطاطا
وبهالاثناء ننتظر الرز يستوي
بس مو ضروري يستوي للاخر مجرد ان يمتص مايةه وتلين الحباية
ونطفي النار
ونصب الرز فوق محتويات الجدر
: اني شوية ضفت رز ابيض للتلوين :
نجيب ماي الدجاج المتبقي ونصبه بشكل متساوي على الرز والجدر بالكامل
ونغطي الجدر وبعد مانفتحه ابد
لان الرز لازم يتهدر ع البخار
وبعد شي نص ساعة
رح تكون جاهزة وتمام التمام
نجيب 2 و3 خبز عربي
ونخليها فووووك الكل
ونجيب صينية نخليها ع الغطا
ونقلب الجدر بالصينية
وخلووه شوية يرتاح حتى ينزل القالب كامل وحلو
وهاي كم لقطة الكم
/
\
/
\
:
:
/
\
:
:
:
:
ان شاء الله تعجبكم
و
بالألف عافيــــــــــــــــــة
●
●
منقووووووووووووول