[align=center]ام تاره جزاكِ الله خيرا
موضوع جميل جزاكِ الله خيرا
انا بقى حقولك حكايتى بس باختصار
انا اما كبرت وشوفت البنات اصحابى بيعرفوا اولاد بيحبوهم وبيكلموهم وشوفتهم بردوه وهم بيسبوهم واصحابى بيتحسروا على الى عملوه وانهم اتكلموا مع ولد ما يستهلش وانه خسروا بكده احترامهم لنفسهم
دى الحاجه الوحيده الى خلتنى ابعد وما اعرضش نفسى للخطأ الى اصحابى وقعوا فيه وكنت كل ما اكبر اتاكد انى انا الى صح وهم الى غلط
اما الحمد لله ربنا من على انى التزمت بحجابى حسيت بنعمه ربنا عليا انى ما عرضتش نفسى لاى موقف من المواقف دى لانى حسيت ان ربنا ما بيباركش فى حاجه حرام
بس طبعا زمان اما كان حد بيجى يقولى كلمه بحبك كنت بتكسف جدا بس كنت برفض انى افضل معاه لانه لو نصيبى ربنا حيرزقنيه ولو بعد زمن

كمان غض البصر اهم سبب للى بيقولوا عليه مجرد علاقه بريئه بس هى اسمها عشق وليس حب لان الحب بيبقى بين الرجل وزوجته وليس بين الولد وصديقته
قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) .

[/align]