[frame="14 70"]
حبيبتى بلو روز
ده غالبا اما مجموعة من فواكه البحر او مجموعة من الاسماك مختلفة وفى الحالتين نقدر نستخدمها بطريقتين
1-شوربة(مثل شوربة فواكه البحر)
وطريقتى فيها
-بصلة متوسطة مفرومة وتدعكيها بالملح والفلف
-معلقين زيت وتشوحى فيهم البصلة المفرومة الى ان تصفر
-وتحطى الاسماك اللى عندك وعليها كل البهارات اللى تحبيها بس اهمها الزنجيبل
-وتشوحى شوية وبعدين تضيفى لتر ماء حتى يغلى
وفى النهاية اما تضيفى اعواد من الكرفس المقطع
او كوب من الكريمة المخصصة للطبخ لمدة دقيقة
وعند التقديم يزين بالبقدونس او الكرفس
2- طاجن
وهنا ايضا بصلة مفرومة وتصفر فى الزيت وبعدين تضيفى الاسماك حتى تنزل ميتها وتشربها
وطبعا الملح والفلفل والبهارات
وبعدين تضيفى عصير الطماطم يدوب يغطيها
وبعد ما يغلى تضيفى الكرفس او البقدونس
وممكن تكملى سواها فى طاجن فخار فى الفرن
والطعم فى الحالتين على ضمانتى
وقوليلى عملتى ايه واى طريقة نفعت معاكى
[/frame]