السلام عليكم يا أمورة يا ليبية و كل البنات هنا كيف حالكم و ان شا الله تكونوا بخير و صحة و عافية الحقيقة انا دخلت الموضوع بالصدفة و جذبني اسم الليبية لاني من اول ما سجلت في المنتدي اتمني اني اتعرف علي ليبيات هنا لاني ليبية !!! تاني حاجة قريت الموضوع و قلت نيالكم و الله قصدي يا بختكم قاعدين مع بعض و تشجعوا في بعض يا ريت لقيت من يشجعني و يستمر في تشجيعي انا قصتي مع الرجيم و المنتدي بدأت من 3 شهور المفروض انا فيهم وصلت للوزن المتالي لكن للاسف ما توفقت بما عندي اصرار و مداومة ع الدايت بدون تخبيص و نلعب رياضة بكل انواعها بس نقصت 12 كيلو و نص بس ظهرت للناس تفاجأ الناس بشكلي الجديد تعير مقاسي تحسنت للافضل زادت تقتي بنفسي و توقف وزني عن النزول لمدة اسبوعين عملت كسر الرجيم نقصت بعده 3 كيلو ومن هذاك الوقت ما نرلت ولا كيلو ليا شهر علي هذا الحال تهبطت معنوياتي و بدأت الخبط في الرجيم بطلت رياضة بطلت وزن نفسي انا شكل جسمي كما هو لما نقص الوزن لكن انا خايفة ارجع الوزن اللي خسرته قد ماتتخيلو مشكلتي الكبيرة اني جربت كسر الرجيم عدة مرات جربت رجيم البروتينات و ما نفعش معاي وانا مازلت مصرة اني نوصل وزني المتالي 66 بس الحكاية مغلقة في وجهي و مش عارفة شن نعمل ارجوكم يا حلوات ياللي هنا تساعدوني بأي طريقة او رجيم ينفعني تشجعوني ترفعوا معنوياتي النازلة تقبلو تحياتي الحارة جدا جدا من اختكم صلوحة من ليبيا سلامي الي رشيقات الصيف القادم