الموضوع
:
الفريكه بالدجاج طبق شهي جدا من مطبخي بالصور
عرض مشاركة واحدة
كتبت : white rose
-
الفريكه بالدجاج طبق شهي جدا من مطبخي بالصور
الفريكه بالدجاج طبق اردني شهير ولذيذ جدا رح نزله لعيون احلى الوردات
طبعا بيصير ينعمل باللحمه وكلو حسب الرغبه
المقادير حسب افراد الاسره
دجاج مغسل ومقطع
فريكه خشنه
حمص حب مسلوق
لوز لحمه مفرومه سن خشن
زيت ذره او سمن بلدي كميه قليله
ماجي ملح فلفل اسود ورق غار قرفه ناعمه
بصله متوسطه
بسم الله نبدا
ننقع الفريكه بالماء الدافئ نصف ساعه ونتركها جانبا
وطبعا بهاي الوصفه بالذات لازم فريكه خشنه والشوربه بتنعمل بالفريكه الناعمه
نفرم البصله ونشوحها على النار بالسمنه او الزيت لحتى تشقر
نضيف قطع الدجاج ونقلبها لحتى تتحمر قليلا قليلا
نضيف الملح والماجي وباقي التوابل المذكوره
نضيف كميه مناسبه من الماء ونتركها تغلي لحتى تقارب على الاستواء
مو تستوي كتير لانو بدنا نحطها مع الفريكه
بعد هيك نقلي الدجاج ونصفيه من الزيت
نغسل الفريكه ونتخلص من اي شئ عالق على سطح ماؤها اولا
نرش بقعر الطنجره رشة فريكه خفيفه
نرتب قطع الدجاج المقلي والحمص الحب
نضيف باقي الفريكه على المقادير
نصفي ماء سلق الدجاج من الشوائب والبصل ونضيفه على الفريكه
نزبط الملح ونشوف اذا بدها زيت والا لا ونعمل اللازم
نغطي الطنجره ونضعها على نار متوسطه ولما تبلش تغلي
نوطي النار ونراقبها باستمرار
لانو الفريكه بدها عنايه لحتى ما تخبص معنا
وما تقلبي المقادير تقليب بس دخلي الملعقه الخشبيه لقعر الطنجره
لحتى تسمحي للماء يتوزع ويتنشف وهاد من وقت للتاني
ولما تجف منيح اسكبيها في طبق واسع وزينيها باللوز واللحمه المفرومه
وتقدم مع السلطه الخضراء المشكله واللبن الروب
ملاحظه
ممكن نقلي الدجاج او نشويه بالفرن ونطبخ الفريكه لوحدها مثل الارز بالزبط
وبعدين نرتب الدجاج فوقها يعني الطريقتين حلوين
وهاد احلى طبق حلوو ارز بحليب
بتمنى انو الطبق ينال اعجابكن ورضاكن
وهلا بدي ردودكن الحلووووووووووه