class="quote">اقتباس : المشاركة التي أضيفت بواسطة sally101284:
السلام عليكم اخواتى الحبيبات
شكرا لكل من سأل عليا وخصوصا مدام صفاء وليدى بحبكم جداااااااااااااااااااااااااااااااا وربنا ميحرمنى منكم وايضا كل من دعا لى جزاكم الله خيرا عنى
نبدا بالتفاصيل
متزوجه منذ 3 سنوات و8 شهور . والحمد لله لم ارزق بأطفال. الحمد لله انا كويسه ما عدا بعض ضعف فى التبويض ولكن علاجه هين شهر بشهر ولكن المشكله الكبرى عند زوجى ضعف فى الحيويه وقله فى العدد . لما كنت بتنشط شهر ورا شهر ومش بيحصل حمل لمده اكثر من سنتين ف الدكتور قال انه ضعيف ولازم تلقيح صناعى . وفعلا عملته مرتين فى شهريين متتاليين ولكن الحمد لله ايضا لم يحدث حمل ولكن ليس لعين فى انا ولا فى زوجى ولكن فى الطبيب سامحه الله لم يكن ينقى وينشط عينه زوجى.هذا ما اكتشفته أثناء الحقن المجهرى. المهم بعد التجربتين دول رحت للدكتور اشرف أبو على بالاسكندريه على اساس حقن مجهرى وفعلا بدأنا فى التحضير كان اول قرص ااخده فى التحضير يوم 22 ديسمبر 2008 . وكان ثالث يوم من الدوره . ثم بدأت فى الحقن اللى تحت الجلد يوم 1\1\2009
وبعد ذلك اخدت حقن التنشيط الحمد لله ما احتجت كتير لان عمرى 24 سنه . وفعلا تم سحب البويضات يوم الاثنين 26 يناير 2009 . وكانوا 11 بويضه . وفى نفس اليوم تم اخذ العينه من زوجى وتم تنقيتها وتنشيطها لكن كما قال لى الدكتور اشرف "العينه غلبتنا اوى" . وفى يوم الاربعاء 28 يناير 2009 . تم ارجاع الاجنه . البويضات 11 بويضه ولكن اللى تخصبوا 8 بويضات . فأصبحوا 8 أجنه تم ارجاع لى 5 اجنه من الدرجه الاولى وتم حفظ 3 اجنه من الدرجه الاولى ايضا لترجيعهم فى دوره لاحقه بعد الولاده او لو فشلت العمليه . وكان ميعاد تحليلى 11 فبراير 2009 وفعلا حللت وكان ايجابى يعنى حامل وكان نتيجه التحليل الرقمى 64.9 يعنى اكبر من 5 يعنى حامل . المهم اتصلت بالدكتوره عصمت مساعده الدكتور أشرف فقالت لى مبروك وتعالى بعد 10 ايام وفعلا رحت وكان اللى مسك فى رحمى جنين واحد فقط من 5 . وكان جوا الكيس بتاعه وكل شى تمام لحد ما نزل عليا دم اسود وبنى وكانت بدايه النهايه لحد ما نزل الحمل خالص ربنا يعوض عليا يوم 11 مارس 2009 وكنت ساعتها فى اول يوم فى الشهر الثالث.ومات ابنى او بنتى لتوقف النبض لاسباب مجهوله. وعلى فكره سمتها او سميته عصمت .ان شاء الله اقابله فى الجنه يارب . ويديكوا جميعا يارب. لكن فى المجمل تجربه قاسيه جسمانيا ونفسيا جدااااااااااا.اما عن الراحه من بعد الترجيع ليوم التحليل نوم على الضهر مش تقومى الا للحمام بس . وكمان اكل لحوم وبروتين يوميا كتير وماء كتير جدااااااااااااا مهمين جدا فى تثبيت الاجنه دى نصيحه دكتور اشرف . اما عن التكاليف حوالى 4000 دوا تحضير وكمان 5700 للمركز وكمان 2000 للتجميد للاجنه اللى فاضله وح افكهم ب 2000 ايضا . دا غير الدوا اللى بعد الترجيع كل اسبوعين 500 جنيه لبوس . ده غير الحقن . وكل ده ضرورى للتثبيت. وانا ان شاء الله فى انتظار الدوره حتى اذهب لترجيع باقى الاجنه يارب يعوض عليا ادعولى ارجوكم . وانا والله بدعى لكم جميعا ربنا العالم . ورأى انه لازم اى حد يحاول لحد ما يعمل اللى عليه يعنى اسعوا وربنا يدينى ويديكم يارب . مع انى فى ناس كتير نصحونى بالطلاق وانى اتزوج ارحم من التعب االى انا فيه لكن حرام كان ممكن انا اللى اكون مكان زوجى ربنا يشفيه يارب . دعواتكم جميعا . واى سوال انا حاضره وتحت امركم .
الله يعوض عليكى يا سالى أن شاء الله حنكونوا كلنا حوامل عن قريب