السلاموا عليكم جميع أخواتى بالمنتدى معلش لأنها صديقتى جدا مدام سالى وكيفك ليدى بتمنى فى بدايه كلامى يرزقنى ويرزقكم بالذرية الصالحة وراحه البال .
حبيت أفضفض معاكم جميعا لأنى بمر بظروف صعبه جدا بحياتى انا متزوجة من 3 سنوات ولم أحمل والحمد لله على أى حال مرت أول سنتين ونصف وانا عارفه أن العيب منى فى الحمل ولكن عيب بسيط يعنى مش عائق يمنعه لكن يقلل فرصه الحمل وأكتشفت من 3 أسابيع فقط أنى عندى عقم أستحاله حملى إلا بمعجزة ألآهيه وطبعا أنا بشر وكمان خلق الأنسان ضعيفا تماسكت قصاد أمى وأهلى وزوجى وأنا بى بركان من الحزن لأنى برغم متزوجة عن حب لكن مشعرتش بالسعادة الحقيقة ولا قبل ما أتزوج ولا حتى بعدها كنت نفسى وانا بنت أتزوج حتى أهرب من المشاكل ولكن أطصدمت بالواقع أن الزواج عمره ما كان راحه مقدرش أقول أن زوجى بيحاول بقدر أستطاعته يسدعدنى بس قولولى بالله عليكم أفرح وأعيش حياتى أزاى وأنا بداخلى بركان حتى أقبل ما أعرف موضوع حالتى بالحمل كانت حالتى النفسيه تعبانه مش حقدر أوصفلكم نظرات الناس وسؤالهم البارد أنتى مفيش حاجه حتى وانا مريت ب3سنوات زواج مش حكدب عليكم المفروض أعمل حقن مجهرى كتجربه ولكن ظروفنا الماديه والحمد لله لا تسمح حاحاول أوصفلكم مشاعرى وهوه الشعور بالنقص فعلا على رأى ماما قالتلى أنتى اللى يشوفك ميعرفش أنه من بره هالله هالله ومن جوه يعلم الله صدقونى أنا أكتر حاجه مخليانى أمارس حياتى طبيعى برغم الحزن اللى بداخلى قرأه القرآن والصلاة وأيمانى بأن هذا أمر الله عزوجل والحمد لله عرضت على زوجى وما زلت بلح عليه يتزوج هوه شاب ومن حقه يكون له أطفال لأن المال والبنون زينه الحياة الدنيا وطبعا قالى خير متاع الدنيا الزوجه الصالحه وانا مش عايز حاجه غيرك لكن بنظر لكل من حوله من أصحابه وأخواته وعائلته كلها والحمدلله كلهم أترزقوا بالأطفال ربنا يحفظهم لأهلهم متتصوروش مسكنى النوم على طول ولما بفتح عينى وأكتشف أن النهار طلع معرفش ليه بتجيلى خنقه بتمنى أفضل نائمه على طول وناس كتيره قالتلى أن ده هروب من الواقع يمكن صح عموما ده جزء صغير عن ما بداخلى وآسفة جدا جدا على الأطاله بس بالله عليكم مش حوصيكم تدعولى أد ايه ربنا يعوض عليه وعلى كل محرومه ويرزقنا راحه البال ويفرج همنا وكربنا ( آميييين ) وبتمنى تجعلونى صديقة لكم وتقبلونى أخت والسلام عليكم ورحمه الله وبركاته .