مجتمع رجيم - عرض مشاركة واحدة - نفسى أبقى إنسانة طبيعية و أكل زى الناس (يترى أنا بس ألى بيجيلى الأحاسيس دي) أنا خلاص تعبت

كتبت : المصراويه

نفسى أبقى إنسانة طبيعية و أكل زى الناس (يترى أنا بس ألى بيجيلى الأحاسيس دي) أنا خلاص تعبت

السلام عليكم أخواتى فى الشقاء

أنا عايزة أقولكم أنى فعلا زهقت و تعبت من حاجة أسمها رجيم ,أنا حاسة أنى خلاص مش قادرة أكمل ,نفسى أبقى زى الناس الطبيعية و أكل زيهم , مش أبقى علطول كده أكلى غير أكل الناس
و فى الشغل الكل بيأكل أكل و أنا بأكل أكل تانى و الكل يقعد يتريق و يقولوا أه أكل البشوات ده(لو كنت بأكل تفاح أو عصير جريب فرووت)

و فى البيت بيأكلوا كل ما لذ و طاب بدون مراعاة ليه و لما أقولهم حرام عليكم كل يوم اكل من بره , يقولولى أنتى ألى مش عندك إرادة , و أنتى مالك و ما أكلنا (يعنى بالزمة الواحد لما بيبقى فى رمضان مع أنه هيأكل بعد شويه لكن بردة ريقة بيجرى على الأكل من الرائحة فما بلكم بيه انا ألى مش هدوقة خالص

فعلا كره حاجة أسمها مشويات و سلطة خضراء و طبعا بدون أى إضافات

بجد حاجة تخنق , و فى النهاية الواحد يخس ببطء شديد كمان

و كل أصدقائى يتجمعوا على غذاء وله عشاءبرده و أنا طبعا أعتذر بسبب الدايتتتتتتت

أفففففففففففففففففففففففففف, حاجة بقت بشعة, و لما بقى لما أكون هموت على حاجة حلوة و فى الأخر أجد نفسى أمام العلكة الخالية من السكر

وله لما يجيلى حالة قرفة من الرجيم و أيدى تيجى على أى قطعة من أى أكل الكل يلومنى و يقولولى ليه كده حرام عليكى تضيعى مجهودك و كأنى ماكينة لا مشعار لها و ممنوع أن تضعف امام أى شئ,

تفتكروا أه الحل ؟ أنا فعلا قرفت وتعبت و خلاص مش عايزة أعمل رجيم تانى