بسم الله الرحمن الرحيم...
كيفكـــــــــــــــــــــــــــــــــــــــــم يا حلوات ...يا رشيقات المستقبل....
أتمنى تكونون بخير...

أنا عضوه جديده بالمنتدى..بس مو جديده على الدايت أبدا..
المهم..
أنا عندي قصه طويله مع الدايت...محطات كثيره..مفرحه بعضها ..ومحبط بعضها..
أنا عمري 23 سنه..ووزني الحالي 59 كجم..وطولي 150 سم..هذا حاليا..

سابقا ..قبل سنتين تقريبا كنت نفس الطول طبعابس وزني يا حلوات كان..90 كجم.. تخيلوا

كيف نزلت هذا الوزن..
صار لي موقف محرج في عزيمة كبيرة..وحده اتريق على جسمي..
الله يسامحها ..انصدمت وحتني اراده مو طبيعيه ..الا انحف..
طبعا الحين ادعي لها من كل قلبي..
الرجيمات اللي اتبعتها ..
أول رجيم كان ...
فطور.....كأسة حليب
غداء...ربع دجاجه + سلطه
العشاء..تفاحه
كان قاسي مرره ..ونزلت فيه 10 كيلوا تقريبا في مدة شهرين..

بعدها ..جربت الكيميائي..ونزلت 5 كييلو تقريبا ...في شهرين..
وبعدها صرت انا ما اكل الا وجبه وحده..غداء..وأوقف شوي وأكل يوم..ويوم لا...
بس مع مشي ساعه يوميا...لمدة سنه ..لحد ما وصلت ال59كجم..
وهنا للأسف وقفت..وضعفت ارادتي..
مرررره كنت زعلانه من نفسي اني مو قادره اتخلص من ال10 كيلو الاخيره..

بس لما دخلت المنتدى بصراحه وشفت حكايات البنات واصراركم...
قررت انضم لكم ...وأتخلص من ال10 كيلو للأبد...

بنـــــــــــــــــــــــــــــــــــــــــات ..مين تبدأ بكرا معاي...
دايت ورياضه...ويا احنا يا هالـــفات البايخ ..وربي غصب غصب منتصرين

وأنا راح أكتب كل يوم يومياتي , علشان تعطيني دافع...
بس بنات يا الله مين تبدأ...