الموضوع
:
أفضل ريجيم عملته من 6 سنوات
عرض مشاركة واحدة
كتبت : سليا
-
أفضل ريجيم عملته من 6 سنوات
مساء الخير يا رشيقات
لما كنت جالسة بتصفح المنتدى سألت نفسي متى كنت اخر مرة واثقة من نفسي وراضية عن جسمي....
هالحكي من ست سنوات كان عمر ابني الكبير سنه و علمكم الولد الاول بكون كتير نكد كنت اتفشش بالاكل لحد ما وصل وزني فوق الستين اي زيادة تقريبا من 8-10 كيلو على وزني الطبيعي و ما شاء الله كل الزيادة بتنزل على الارداف و الجوانب ...
كنت بالعطلة الصيفية و ما علي جامعه ...و قررت لازم انزل وزني ...
حاولت اجرب الريجيم الكيماوي و استمريت عليه 3 ايام بعدها صار
ضغطي يهبط و ادوخ ... ارهاق و اكتئاب ...
كان الجو كتير حلو ...اشتريت لابني عرباية و كنت كل ليله امشي معه و مع الجيرات ما يزيد عن الساعتين
الفطور كل يوم ربع ارغيف عادي اعمل لزوجي الفطور و اكل من كل السفرة بربع ارغيف ...
الغدا ايش ما اطبخ اكل المرقة و اللحمة او الدجاج من غير رز
و بالليل اكل صحن ملان كل انوع الفواكة تفاح خوخ خيار فقوس جزر و بعدها اطلع امشي
اول شي ما شعرت بالارهاق و لا بالحرمان...
و جسمي صار مشدود من المشي
و ما مليت من تحضير نوعين اكل الي و لزوجي...
اكل من الي ياكلة هيك ما شعرت بالحرمان...
بلشت بشهر سبعة و على اخر تمانية كنت نازلة تقريبا 10 كيلو...
بس المضحك بعدها اني ما قدرت اسيطر على وزني و صار وزني ينزل اكتر و اكتر وصلت 47 صرت متل الاشباح
كل حدا يشوفني في الجامعه و من جيران اهلي يحكو اني اما مريضة او جوزي منكد علي...
الجسم صار ميه ميه و الوجي صار 0 على مية
بس صدقوني نصيحة وحدة مجربة كتير ما تعملو نظام معين ما تخلو حياتكم ماشيه على حساب السعرات
عيشو حياتكم بس باعتدال و صحه
شوي شوي بتصلو للهدف مش باسبوع و لا بشهر خلو اسلوب حياه
ربنا ما خلق الاكل علشان نتفرج عليه و كانه عدونا ...استمتعو فيه ...اتفننو فيه بس باعتدال ما بتملو و لا بصيبكم احباط و اليوم الي بتخبصو فيه كنسلوه من حياتكم و ابدو اليوم الي وراه من جديد...
الرياضة
المشي
المشي
المشي
المشي صحه بتتوسع رئاتكم و بتتحسن نفسيتكم
و اخر نصيحه
ابعدو عن الناس الي بتحب الاكل كتير ...و ضلكم اتفرجو على لبس قديم الكم او صور قديمه الكم و خلوها هدف...
انا صار الي يومين ماشيه في هاد النظام وزني هلا 57 و انشاء الله على اخر شهر سته رح ارجع 52 بس مش اقل ...
بالتوفيق لكل الصبايا