الموضوع
:
الكفته باللبنيه من مطبخي بالصور
عرض مشاركة واحدة
كتبت : white rose
-
الكفته باللبنيه من مطبخي بالصور
بسم الله الرحمن الرحيم
طبختنا اليوم سهله كتير وطيبه جدا
وهيه كفته بلبن
طبعا الكفته انا اعملها بطرق كتيره ولكن اليوم اخترت كفته بلبنيه
بسم الله نبدا
المقادير
لحمه هبره وبصله صغيره نصف ضمة بقدونس منضفه جيدا ومغسوله
لبن روب كيلو ونصف
2 مكعب ماجي
ملح وفلفل وبهار
نطحن اللحمه والبصل والبقدونس ناعم ونعجنهم مع بعض كويس
ونضيف عليهم الملح والفلفل ونخلطهم كمان مره لحتى يتجانسو
نفرد لحمة الكفته في صينيه مناسبه ونعطيها شكل المثلثات وهاي الخطوه مهمه
علشان اللحمه ما تتفتت هيك بتحافظ على شكلها
وندخلها الفرن لحتى نشوف انها نضجت
وبعد هيك نحمرها من فوق
نجهز ليها اللبن نخفقه مع بيضه بواسطة مضرب السلك
او الخلاط الكهربائي
ونضيف الماجي ونضعه على النار ونستمر في التحريك لحتى غليان اللبن
وما تتركي التحريك لانو بيفرط اللبن
بعد هيك نضيف اللبن المغلي على الكفته المحمره ونخليهم يغلو مع بعض
لحتى اللبن ياخذ طعم الكفته ويميل للثقل يعني يكون شديد شوي
يقدم مع الارز الابيض او رز بالشعيريه
اتمنى انو الطبق ينال رضاكن
وصحتين وعافيه