سلام الله عليكي
يا احلام يا حياتي ليه بتعملي في نفسك كده
ليه الكسل امامك فرصه في المنتدي كبيره خالص في اكتر من مجموعه وانتي كنتي كاتبه موضوع واتفقنا تشتركي في مجموعه من المجموعات الموجوده بالمنتدي من اول شهر 5 ومش لاقيتك اشتركتي
ليه يا حبيبتي بتخللي الكسل وضعف الاراده يسيطروا عليكي ويضعفوا عزيمتك
ياله يا احلام من انهارده مش حنستني لاول الشهر
في موضوع مع البنات عاملينه اسمه نحو حياه افضل ده مش مرتبط بمسابقة ولا شهر ده مرتبط بس بالعزيمه علي اداء التمارين فيه تمارين بسيطه خالص تقدري تبتدي نشاطك بها ومش حتاخد منك اكتر من 20 دقيقة في اليوم
وفي يوم 20/5 حينزل التسجيل في المجموعات لشهر يونيه عايزاكي تسجلي فيهم وتخليكي معايا في نحو حياة افضل لحد ما تبتدي وتكملي فيها وتتشجعي مع البنات وبرده خليكي معانا في نحو حياة افضل علشان تداومي دايما علي التمارين لحد ما تتعودي عليها قوي وساعتها مش حتقدري تعدي يوم من غير رياضه
ياله يا احلام شدي حيلك يا حبيبتي وانطري اليأس ده من علي كتفك
تعالي انا مستنياكي