الموضوع
:
براونيز أشهر المطاعم من مطبخى بالصور
عرض مشاركة واحدة
كتبت : (رشيقه هانم)
-
براونيز أشهر المطاعم من مطبخى بالصور
الرشيقات عاملين ايه؟
اليوم جايبالكم حلو مش عادى خصوصا طعمه بس قبل ما نبدأ عندى سؤال
كام مره روحتى كافيه او مطعم يقدم براونى و ما قدرتى تاكليه لانه تقيييييل و سعراته كتيييير جدا
؟؟؟
يلا نعمل أحلى و أخف براونى و كمان نفس طعم المطاعم بس صحى
طولت عليكم
بسم الله نبدأ
المقادير:
1 كوب حليب خالى الدسم
2 ملعقه كبيره عسل
20 جم (2 باكو)جيلاتين
100 جم شيكولاته سوداء
1,5 كوب سكر بنى
2 ملعقه كبيره كاكاو خام
2 كوب دقيق كامل
4 بيض
فانيلا
رشة ملح
(على فكره الصور لنصف المقدار صينيه 20 سم)
الطريقه:
خطوات محدده و سهله جدا
1.
حليب+جيلاتين+عسل------
<
يذوب فى قدر على نار هاديه
2.
تضاف الشيكولاته مع التقليب السريع و بعديها السكر
3.
يضاف الدقيق و الكاكاو مع التقليب
4.
البيض واحده واحده مع التقليب السرييييع
5.
يصب الخليط فى صينيه مبطنه ورق
6.
الفرن 350 ف (180 ) 25 دقيقه
و ده شكلها بعد ما طلعت من الفرن
سبيها تبرد
التغطيه:
4
ملعقه كبيره حليب بودره خالى الدسم
4 ملعقه كبيره حليب سايل خالى الدسم
10 مربعات شيكولاته
سوداء
تسيح
الشيكولاته و تضيف الحليب السايل و البودره و تقلب جيدا احفظيها في التلاجه لحد ما تبقى زى الكريمه
افرديها على وجه البراونى و بعدين قطعيه
و دى النتيجه الاخيره حاولت اصورها مع الأيس كريم ما عرفت
ملحوظه(قبل التقديم توضع فى الميكروويف 20 ثانيه و بعدين اللأيس كريم)
اتفضلووو
و دى اقتراحات تقديم تانيه
ميني براونى
كل رشيقه تاخد واحده يلا اتفضلو
بمليوووون هنااااا