الموضوع
:
قصتي لخسارتي40كيلو بعد مرور سنه و6شهور
عرض مشاركة واحدة
كتبت : يدق قلبي بوجودك
-
قصتي لخسارتي40كيلو بعد مرور سنه و6شهور
حياكم الله نورتم صفحتي بتوااجدكم
وها أن أدون لكنّ قصتي بعد خسارتي هالكم من الوزن
وتحقيقي الهدف ماقبل الاخير
بالعام المنصرم بتاريخ17/1/1429هـ
بدأت عزيمتي بخسران الوزن وتحقيق حلم الرشاقه
الذي كان الجميع يقول اني لا استطيع تحقيقه
ولكن بعد وقووعي بأحدااث كنتُ أُحسد عليها
زادتني حماس وارااده ومنها::
كنت نقطه حديث العائله ولكن ليس اماامي
من بعد خروجي بس فيه ناس توصله لي عموماا
ماعاادت فرق عندي احين بعد ماحققت التحدي
كانو يقولوون اني مستحيل انحف وحتى لو حاولت بتروح المحاولاات هباءاَمنثورا
ولكن بفضل من الله وقوه اراادتي حققت هذا الشي
واحين مسكته الكل
تعرضت لمواقف من قبل القرايب والبعيدين والي تقول دبه والي تقول ماشاء الله جسمك ملياان ومن هالحجي
كنت احزن من كلامهم بس ما اثر فيني لان ماكنت منتبه الى صحتي ولا مفكره بامر جسمي مطلقاا
جا الوقت المحسوووم
بنت خالتي شافتني بعد فتره من الانقطااع
وقالت بالصرااحه صرتي وااجد متينه ودبه اتخن وحده بخواتكِ كيف كنتي وكيف صرتي خلاص هالكلمه هزت دااخلي وبقووه
قلت ليش اخلي الي حولي تسخر من جسمي ليش ماارويهم من اني وكيف اقدر اكون ادا حطيت هالشي ببالي!؟
هدي كلمتهاا كانت الخميس واني بديت الرجيم يوم السبت بتاريخ السابق
رجعتي من بيت جدي خلاص الدنياا ضايقه فيني كثير
بحثت بالنت عن رجيمااات وشفت لي وااحد مكتوب عليه ينزل 19كيلو بالشهر
انخبلت عليه مو مصدقه قلت عليه مهماا كاان
وادخل على الرابط واشوفه الاكل شويه مره
وكتبته لان كنت مصممه اني انحف طبعا وزنت وكاانت المصيبه اني
114.5
ماصدقت وانصقعت من هالرقم لاني كنت اقول وزني 97
جهزت دفتر لي سطرته منيح وقسمته خاناات
وزني كم كاان وهدفي كل اسبوع كم والي نزلته كم
وصرت ادون من اول مابديت كل هالنقااط
اسجل كم لعبت تمارين وكم دقيقه صعدت الدرج ونزلته واستمريه هيك الين ماخلص الاسبوع الاول
وجيت اوزن لقيت حالي
نازله 3.5كيلو
ماصدقت تحمست اكثر اني اوصل الى الشهر بهالرجيم رغم انه ابدا موصحي وملل وماكنت اعرف وشو صحي وشو متوازن اهم شي اصلح رجيم
وكنت اتنظر كل وجبه متى تجي حزتها من كثر الحرمان الي فيه
وجا الاسبوع الثاني ووزنت ولقيت حالي نازله
2كيلو
اندفعت اكثر وصابتني دفعه قويه اكثر من الاولى
وكلمت الشهر ونزلت على هالرجيم 7كيلوبس
هم كاتبين انه ينزل 19انحبطت كثير
كيف اني نزلت 7كيلو بس
طبعابدون رياضه هو بس اني كنت اصعد الدرج وبعض التمارين كنت اسويها لكافه انحاء الجسم
بحثت عن رجيم ثااني وكان القى رجيم موداكره اسمه وكان خاص بمنتدنا الغالي (منتدى مجتمع رجيم)
دخلت الرابط وتصفحت وعجبني ال كثير
وشفت القروبات الي كانو عااملينها وانبسطت حسيتها جددت حماسي من أول
وطوالي سجلت فيه وتفعلت العضويه فيه وكان هذا بعد شهر من مابديت الرجيم دخلت المنتدى ووزني اصبح بعد النزوول
107.5
دخلت قروب الازرق لانه خاص بالميه وطالع
وتعرفت على ياسمينه البحرين وبنت ابوها واحساسي ورد وكملت معااهم الشهر متاابعه فقط دون اشتراك لان فااتني التسجيل
وصرت التزم بالريااضه والاكل اكثر واكثر
وتعرفت على وحده من العضواات مصريه كاانت (دبدووبه _78)
عطتني رجيمها من عند دكتوره تغديه كل اسبوع تغيره ليهاا بس اني ظليت عليه5شهور ملتزمه فيه مع تغييرات بسيطه جدا وملازمه ريااضه المشي من ساعه الى ساعه ونص مع صاااحبتي وكان الجو حر موووت
وعطااني نتاائج حلووه كثير نزلت عليه 22كيلو
والرجيم موجود بركن التجاارب االنااجحه
وانقطعت عن زيارات الاهل ماعدا بيت خالتي وبيت جدي كنت ازورهم اسبوعياا
عائله ابوي كنت هاجرتهم لانهم كانو يعلقون علي وعلى خوااتي وطبيعه اجساامنا لانهم اغلبهم نحيفاات بس احناا
تخيناات
لما جاا شهر شعباان صارت عندنا زيااره عندهم وكنت متحمسه الى شوفتهم لانهم بيتفاجأو بشكل
وزني بداك الوقت كان85.5
ورحت الكل ماعرفني انهبلو كيف صرت هيك بظرف هالاشهر
طبعا اني اول كلمه نطقتها وسكتو منهاا
((الي كانت مستحيل تنحف احين الكل يسألها كيف انحفتي))
حريتهم بهالكلمه وسكتو قالو الله يتمم لج بالخير
جا شهر رمضاان واني وزني ماتغير عن 85.5 لان بدأ ييأس من النزول بس اني حققت هدفي الاول وهو 85
وحمدت ربي قلت احين محطتي الثانيه هي
75
دخل شهر رمضاان وتعرفو هالشهر كيف الاكل فيه
مغرياات كثيره كنت اتبع نظام السعراات وكانت تحسب لينا السعرات بالاكل جزاها الله خيراَ (بنت ابوها)
وكنت اكل بحدود 1300سعره باليوم
واكل من اكل البيت بشكل طبيعي بس بكمياات محدوده جدا وتركت ريااضه المشي لان ماكو وقت ابداا كفايه شغل البيت الي يهلك
المهم نزولي كان جدا بطيئ وجا نهايه الشهر
وبدا يتحرك وزني ووصلت 80على آخر اياامه الله يعوده علينا بالخير والبركه
ورحت العيد بيت جدي (عائله ابوي)
اعماامي ماصدقو انها اني نفسها الي شافوها الشهر الي طااف رغم اناا نزولي ماكاان وااجد 5كيلو بس
المهم::
عمي الكبير مسك يدي وداارني يقول مشتركه بالرابح الاكبر
حسيت حالي بدا الوقت سندريلاا
وقعد جنبي قولي شنو سويتي لازم اعرف كيف صرتي هيك
وقلت له حقوق النحف الي حققته محفوظه عندي
ما اقدر اخبر فيها احد
وقام يحفزني وقالي استمري وماعليش من اي احد
اسمعي بس كلامش والي ترتاحي منه وبالفعل نفذت كلامه وصرت ما اصغي الى اي عباره منهم بالعكس اخدها نقطه تدفعني اكثر الى الامااام
وبنت عمي شافتني ليها دهور ماشاافتني على ايام المتن الاخيره وهي انهبلت تقول مو مصدقه صرتي كدا
قولي شنو رجيمش ووزعيه عشان الكل يستفيد وتفيدي
قالت احسك مسويه عمليه شفط دهوون
قتلتني كلمتها من الضحك قلت ليها لوعملت اسمعتي من امكِ بس ماعملت غير الرجيم والرياضه
وجلسو يتابعوني كيف اكل واني حااسبه من اول ماطلعت اني اعمليه يوم مفتوح عشان لا احد يعلق باله علي وتنسد عزيمتي
وعدى اليوم على خير ورجعت البيت
وجلست يوم ثااني اكل زي المفجوعه مو طبيعي اكلي مو قادره اشبع احس اكل هواا
تضاايقت وخفت اني ارد ارجع الى الاكل من اول
والله سهل وصارت جمعه قريبه من بعد العيد وشافوني قالو اسمنتي عن العيد وخبرتهم اني صرت اكل وموقادره التزم ابدا وشكلي خديت عين من وحده فيكم
والحمدالله رجعت بعدها بأسبوع الى الرجيم بالتدريج لان هدفي الاخير ماحققته
وظل شههرين كاامله وزني ماتحرك عن80
قمه في الاحباااط بس ماياست لان الكل كان يقوول عاادي دا الشي لان نزلتي كثير من وزنش
نصحتني الغاليه(دمروال)اني اتبع رجيمهاا رغم اني مبتعده عن الرز والحلوياات والهامبرجر والمعكرونه
بس قالت عادي امشي عليه وراح تشوفي النتيجه
ومشيت عليه والتزمت بنسبه75%فيه
وكسرت حااجز الثباات بعد ماتعود جسمي على طبيعه الاكل الي كنت اتنااوله وجزيت خيراا كسبت ثواب فيني
واستمريت عليه اسبوعين بس وتركته
وصرت اتبع نظاام التخفيف
لين ماوصل وزني يوم الخميس بتاريخ 22/7/1430هـ الى74.5
بعد مرور سنه و6شهور من بدايتي بالرجيم
خسرت40كيلو
سنه من جد بتقولووون كثيره بس الحمدالله المده ماكاانت تهمني كثر ماهمني نزولي بشكل صحيح وسليم
وتحقيق التحدي الي تحديت فيه نفسي
وكل ماشفت اكل احبه وكنت اطيح فيه طيح كنت اذكر كلامي الى نفسي وكيف الوعد الي قطعته اني اغير كلشي بحيااتي واصير وحده ثاانيه الكل يقول انهاا مو نفسها الاولى
عملت المستحيل كنت اقطع مسافاات واتحمل تعب المشي باول الاياام والتنفس الي بالموت اقدر اخده
وكل مانزلت زالت العوارض عني
احين الكل يقول لي وقفي عن الرجيم خلاص كدا انتين كثير حلوة ومتناسب بس اني هدفي احقق وزن قريب من الوزن المثالي وهو72
طبعا طبقت تجربتي على خواتي بعد ماصار الكل يقول ليهم صيرو مثل اختكم
والحمدالله هم نزلو بالوزن
اختي الكبيره نزلت من وزنها 22كيلو
والي اصغر منها8كيلو
والي اصغر مني 22كيلو
وبنت خالتي حفزتها تنحف ونزلت20كيلو
ادعوا لي انا ربي يتمم لي بالخير واكمل هالمشوار والله لايرده علي من وزن ابداا بعد هالتعب كله
واتمنى انكم نستفيدو منهاا كمااان
وتحطوهاا اماام نصب اعيونكم لكي تحققو كل ماتصبو لهاا انفسكم
وبهذه المناسبه اقدم لكم احلى الحلوياات والمأكولات
لتشاركوني هذه الفرحه ::
سمو بأسم الله واكلو
تمنيااتي القلبيه لكنّ بالتوفيق وكسب صحتكم قبل رشااقتكم
نصيحه ختااميه::
لكسي روتين الاكل والثباات اعملي يوم وااحد بالاسبوع مفتوح لكي لا يتعود الجسم على طبيعه الاكل ومن ثم لايستمر بالنزول