المقادير :
- 3 كيلو فراوله تغسل و تنظف و تقطع قطع كبيرة شويه علشان بتبقى احلى فى الأكل
- كيلو و ربع سكر
- 4 ملاعق صغيره عصير ليمون
- برطمانات زجاجيه للتعبئه تغسل و تجفف و ممكن نولع الفرن 5 دقايق و نطفيه و نترك فيه البرطمانات لتجف و تعقم
الطريقه :
- توضع المربى و السكر على شكل طبقات و تترك فى التلاجه لمده من 4 الى 6 ساعات ممكن من بالليل و الصبح تبقى جاهزة للتسوية
- يوضع المقدار على النار و تغلى غلوتين مع التقليب حتى يذوب السكر ثم تهدى النار و تترك - بدون غطاء- على النار الهادئه لمده ساعه و ربع او ساعه و نصف حتى السوا مع التقليب كل شويه ثم نختبرها لما تعقد زى الشربات كده - يعنى نجيب طبق صينى و نضع معلقه من المربى على الطبق و نميله رأسيا و نشوف اذا انسابت بسهوله على الطبق يبقى لسه شويه لو لم تنساب بسهوله يبقى قربت .....نضع الليمون قبل ما تعقد على طول ..............
نتركها تبرد قليلا و تعبأ فى البرطمانات و بالهنا و الشفا .................