بذرة الكتان طبياً و علمياً ما تنحف
أساساً ما فيه أكل من خواصة الكيميائية انه ينحف الا قل الأكل و كثر الحركة ..و حتى الشاي الأخضر لازم نشربين براد كامل عشان يحرق شوية سعرات ...يشد الجسم ؟؟ لا طبعاُ
بس بذرة الكتان زي ما قريت عنها بمواقع طبيه انها مفيدة للصحة و فيها زيوت اوميغا3 اللي موجودة بالأسماك و المكسرات
يعني ملعقة صغيرة يومياً منها مع أي شي راح تعطيك كفايتك اليومية من أوميغا 3 المهم جداُ للدماغ و الذاكرة
مو النحافة أو الرشاقة ...
خلطة الأخصائية هذي مدري وش لزمتها ؟؟؟
أوميغا 3 بالكتان و ب عين الجمل زي بعض و الكمون للهضم و عشان نفخة البطن اللي تجي بسبب أكلنا الثقيل الدسم !!!
اتركي عنك الخلطات و ركزي ع الأكل الصحي الخفيف و السلطات و الفواكة و المشي اليومي مو أقل من 45 دقيقة يومياُ و تشوفين نتيجة روووعة بالعيد
و كذا مره شفت أوبرا و دكتور أوز يتكلمون عن فوائدها (أوميغا3 ) بس مدري ليش الحريم هنا مخترعين سالفة الرحم !!!!
يمكن اللي عورها رحمها أساساً تعبانة بس ما أكتشفت الا بعد ما اكلت الكتان
نصيحتي لك اختي
تبين صحة و مناعة و ذاكرة قوية ...ملعقة صغيرة كتان مطحون يومياً او يوم ورا يوم
تبين نحافة لو تاكلين خيشة كتان و كمون و عين جمل ما راح ينحفونك
كثري الحركة و قللي الأكل و راح تنحفين بس اصبري و طولي بالك ...وزنك ما زاد أسبوع عشان ينقص بوقت قصير ...

موفقة أختي