الموضوع
:
طريقتى الخاصة فى حفظ البــــامية ,,من مطبخى
عرض مشاركة واحدة
كتبت : عين التسنيم
-
طريقتى الخاصة فى حفظ البــــامية ,,من مطبخى
الســـــــــــلام عليكن ورحمة الله وبركاته
أخواتى الحبيبات
جبتلكم ادة طريقتى الخاصة فى حفظ البامية
ويااااااارب تعجبكم وجربوها وعلى ضمانتى
*طبعاً فى البداية بنجيب البامية ونغسلها ونضعها فى مصفة
لحد ما تجف من مائها لانها طبعاً مينفعش نقمعها او ننضفها وهى مبلله
لازم تاخد وقت تتصفة فيه لحد ما تنشف شوية
*تانى خطوة بنقمعها او ننضفها
*وبعدين نقسمها حسب حجمها كبيرة وصغيرة ووسط
زى ما انا عملت فى الصورة دى
وبعدين نحضر انـــــــاء به ماء مغلى جيداا ونضع فى الماء المغلى قليل من الملح وعصير الليمون
ونحط فيه جزء من البامية اللى قسمناها علشان الاحجام ماتتلخبطش على بعض
ونسيبها فى الماء المغلى على النار لمدة 3 او 4 دقايق فقـــــــــط مش اكتر من كدة ابدااااااا
وبعدين نطلعها على مصفاه على طووووووووول فى اناء به ميا مثلجة زى الصورة دى
وبعدين نصفيها زى مانتو شايفين
طبعا الخطوة بتاعة الميا المثلجة دى هى اللى بتحفظلنا البامية بلونها الاخضر الجميل
وطبعا الليمون اللى اضفته لميا المغلية كمان
شايفين اد ايه لونها بقا جميل ويفتح النفس
طبعا فرق كبير بين الصورة الاولى وهى متقسمة فى اطباق وبينها دلوقتى
واطمنى حتفضل محتفظة بلونها الاخضر الرائع ده
مهما قعدت عندك فى الفريزر حتى لو سنة ولا حيحصلها اى شئ
ونحط كل حجم فى كيس ثلاجة ونقفله بماكينة غلق الاكياس زى الصورة كدة
وعملت الفاصوليا كمان بنفس الخطوات وبنفس الطريقة ودى صورتها وهى معبئة فى اكياس الفريزر
وبعد ما حفظت البامية فى الثلاجة عملتلكم الذ برام بامية لأجمل بنات فى الدنياااا
واللى حيجرب الطريقة يقولى الاخبار