الموضوع
:
مكرونة بالبشاميل داااايت من ايد أختكم (عيـــن التــســنــيم),,بالصور
عرض مشاركة واحدة
كتبت : عين التسنيم
-
مكرونة بالبشاميل داااايت من ايد أختكم (عيـــن التــســنــيم),,بالصور
الســـــلام عليكم ورحمة الله وبركاته
اهلا اخواتى الحبيبات
اجمل وردات فى الكون
طبعا لا غنى عن المكرونة بالبشاميل فى رمضان والعزومات علشان كدة
عملتلكم اليوم طريقتى الخاصة لعمل المكرونة بالبشاميل
الدايت
لاجمل دبدوبات فى المنتدى علشان لم نعزم حد عندنا نعمل لنفسنا الطريقة الدايت وناكل براحتنا
المكونات
مكرونة سمرا الخاصة للرجيم تقريبا كوب
لحم مفروم 100 جرام
بصلة مفرومة وطماطمة مفرومة
معلقة كبيرة دقيق
كوب لبن خالى الدسم
ملح وفلفل اسمر قليل
معلقة سميد او توست بر مطحون للرش على الوجه بدل الجبنة
ولا فى اى دهوووووووون
الطريقة
نمشى مع بعض خطوة خطوة بالصور
اول شئ بنحط الصل المفروم مع معلقتين ميااااا بدون اى دهون على النار ومعاهم الملح والفلفل الاسود
لمدة دقيقة او اتنين لحد ما يدبل البصل وبعدين نضيف اللحم المفروم عليهم زى الصورة كدة
*وبعد ما يستوى اللحم والبصل نضيف الطماطمة المبشورة ونقلب لحد ما يتجانس كل الخليط ويبق العصاج جاهز
*هنا بنعمل البشاميل
بنجيب معلقة الدقيق ونحمصها فى اناء على النار مباشرة بدون اى دهون لمدة اقل من دقيقة زى الصورة
وبعدين بنضيف كوب اللبن خالى الدسم الدافى على الدقيق مع التقليب السريع لحتى ما يستوى البشاميل
نحضر البرام الخاص بالطهى ونحط معلقة بشاميل فى قاع البرام
وفوقها طبقة من المكرونة السمرا المسلوقة
وفوقها طبقة من العصاج الدايت اللى جهزناه
وبعدين طبقة تانية من المكرونة
وأخيــــــــــــــراً البشاميل على الوجه ونرش فوقه التوست البر المطحون او السميد
وندخل البرام الفرن ونشويه بدرجة حرارة متوسطة ويطلع بالشكل ده
وبألف هناااا
تاكلى المكرونة البشاميل دايت وبدون دهون نهائيا
ياااارب الوصفة تعجبكم