[align=center]السلام عليكم
غلاتي انا عمري 25 ومو متزوجه
وربي كنت مثلك وزني كان 105 , وكنت عايشه بالخيال !
ع بالي ان صدق لمن احلم اني ضعيفه بيتحقق حلمي
اهلي وكل اللي اعرفهم يحطموني وكلما اقول ابسوي رجيم
يقولون لي ما راح تنحفين ولا بيفيد انتي بتظلي كذا وبتزيدين بعد
حطموووني وجطموا نفسيتي والله
بس من شهر بس قويت عزيمتي وصرت اعمل رياضة المشي واقلل بأكلي
وصرت اخرب بين فترات رجيمي !
بس الحين ناويه امشي عليه
شوفي حبيبتي اذا تبين تنحفين قبل صلاة المغرب بساعه امشي لمدة نص ساعه
واذا تبين نظام رجيمي بقولج اياه
قبل الفطور بساعه امشي نص ساعه او ربع ساعه < وترا معروف ان المشي قبل الفطور وايد زين ويضعف
ولما يأذن المغرب اكل تمرتين واشرب لبن خالي الدسم
واقوم اصلي وبعد ربع ساعه اكل لي سلطة ودجاج او لحم او سمج مشوي ع الفرن < لا تاكلين اي شي مقلي
واشرب شاي خبرتني عنه ربيعتي فاد بنت عمه وايد ( شاي اخضر + كمون + دارسين (قرفه) + زنجبيل ) وبدون سكر .. وبين الفترات كثري من شرب الماي بس مو البارد وايد ولان الماي يفقد الوزن ع فكره ،،
وبعد صلاة التراويح آمشي لمدة نص ساعه او ساعه إلا ربع ,, بعدها ارجع البيت واسوي لي شوربة بس مو اي شوربة لان الاغلبية تكون كلها دهون _( دوري بالمنتدى وصفات للشوربه حق الرجيم ) ,, وبعدها اشرب الشاي اللي قلت لج عنه
واكثر من شرب الماي .. اما السحور اكل اي فواكه بأي كمية او سلطة وخبز بر 2
وترا صدقيني ما بتحسين بجوع بس كثري من شرب الماي ,,وبعد وانتي قاعده سوي بعض التمارين الخفيفه .
واسفه حبيبتي ثقلت عليج وايد .. بس وربي كنت مثلج بس الحين ما صار احد يهمني ,, بس اهتم لصحتي وان شاء الله ربي يقدرنا ونوصل للوزن اللي نبيه .
وقوي أرادتك حبيبتي وما عليج من احد .. [/align]