ما يفرح خافقي زود الردود
يكفي الخفاق روعة ردها



لا كتبت تسلم.. وحطت لي ورود
توصل الفرحه بقلبي حدها


اسمها لا صار مو ضمن الوجود
تبكي عيون المشاعر فقدها

واعيه .. ما لـ ثقافتها حدود
تجذب عقول البشر وتشدها




المبادئ والقيم فيها تسود
الثقل في مزحها وفي جدها



طيبها منبعه من طيب الجدود
الأصاله ساس أبوها وجدها
زلزلت نبض المشاعر يا عهود
وأحيت عروق الغرام بلحدها



قلبي اللي علم طويق الصدود
بكل سهوله صار ملك بيدها



كل يوم قدرها بقلبي يزود
ماقوى الخفاق يخفي ودها



آآآآه محلا ردها بين الردود
يا هلا في مدحها وفي نقدها





آهدااااء خااااص جدا جدا

روح الملاك ...بتولتي