السلام عليكم ورحمة الله وبركاته

خلاص يابنات انا تعبت وتعبت جدا

نفسيتي صارت زفت لدرجة ربي العالم فيها

وزني زاد لدرجة كبيرة واهلي تعبوني انحفي انحفي

ولمن احاول انحف وزني مو راضي يتحرك

انا وزني 81

ووالله وربي على ما اقول شهيد اني من اول شهر رمضان بديت رجيم وما خربطت غير يومين غير كدة اني باسوي رياضة ساعتين في اليوم

وفي الاخير وزني ما اتحرك وملابسي زي ما هي ضيقة عليا

والله يابنات اني تعبت ونفسيتي زي الزفت والله زفت

بعدت عن الحلويات وباحاول احرم نفسي من المقلي قد ما اقدر بس والله ما باكل كتير

بس ما نحفت ولا اتغير في جسمي شي

وللاسف اليوم صحيت ونفسيتي زي الزفت وخلاص بطلت ما ابغى اسوي رجيم وما ابغى اسوي رياضة كرهتها لاني تعبت بدون فايدة

اعطوني دوا ولا وصفة تنزل الوزن من غير رياضة

لاني والله انا ماني عارفة ليش مو راضي ينزل وزني


انا اول سويت رجيم قبل سنة ونحفت عليه وبعدين رجعت متنت ودحين ماني قادرة انحف والله يابنات نفسي انحف زي العالم عشان احد يخطبني ادعولي وربي عالم بحالي

ونفسي ارجع الكلية وانا انحف نفسي والله


اختكم احلام