الرشاقة و الرجيم مو شي خيالي و ما يلقى الا بمنتديات و مواقع متخصصة
الرشاقة شي بديهي عبارة عن أكل صحي خفيف و رياضة يومية بس ...
المعدة حجمها زي حجم اليدين الثنتين اذا حطيناهم جنب بعض ...و هذا المفروض حجم اللي ناكله بكل وجبة ...
مقسم الى نشويات و سلطة و بروتينات
و عشان كذا قال الرسول صلى الله عليه و سلم ( و اذا أكلنا ...لا نشبع )
لأن هذا هو أساس الصحة ...
بعدين حبيبتي فكري بالسمنة من منظور مرضي أكثر من انها تشوه الشكل و تخلي الشخص منطوي و كئيب
السمنة تضعف الأخصاب و هالشئ يهمنا كلنا ...أغلب الحريم اللي يصعب الحمل عندهم بسبب السمنة
و كذلك هشاشة العظام و سرطان الثدي ...و غير الكئابة اللي هي النتيجة الحتمية للسمنة ...

خوفي نفسك من هاللأمور و اغصبي نفسك ..هذي حياتك و صحتك و نفسيتك اذا ما راعيتي حالك من راح يراعيك ؟؟
ابدي من الآن و لا تقولين بعد العيد و لا يوم السبت !!
أكل الرجيم مو أكل جاي من السماء و عليه طبعة ( صنع لأهل الرجيم خاصةً ) !!

أكل الرجيم موجود بكل بيت من سنة الطوفان و يركز على 2
* النوعية (صحي أو مو صحي )
* الكمية ( كثير أو قليل )

و بما انه خفيف ناخذ وجبات خفيفة بين الوجبات الرئيسية (فواكة +زبادي + سلطة+ قهوة +3 تمرات +ماء + شاي أعشاب ..........)

بس !

طبعاً عشان صحتنا و حياتنا و نفسياتنا نختار أكل صحي بكمية قليلة ...و نمارس رياضة يومياً بعد التراويح لمدة ساعة
و بنصف الليل نصف ساعة ...
لازم من الآن تبدين تجهزين نفسك للرجيم و الحياة الصحية مو نظام رجيم معقد و مكتوب بورقة مطبوعة من النت و مدري وش مصدرها و حالتها حاله !!

عيشي حياتك دامك شابة ...صدقيني ...راح تندمين بعدين على الوقت اللي قضيتيه بالجلوس و الأكل و انتي كان بأمكانك تسوين رياضة و تعدلين نوعية أكلك ...

موفقة