[gdwl](( سوفت أند بيوتفل )) وتعرفين الأصلي باللمعة الي على كرتونته ....

ميزته ..
.. يصلح للشعر الخشن وينعمه ويصير بعده سهل التسريح .

.. سهوله إستعماله بعد كل 6 شهور مره وتحطينه بالبيت بالراحه .

.. مع تكرار الإستخدام كل 6 شهور يتعود الشعر عليه ويصير مظهره أقرب للطبيعي ..

عيبه .... تكون أطراف الشعر واقفة وإحتمال يتساقط ويتقصف ..

كيف نتلافى هالعيوب وننبسط بالنتيجة ..

نتبع البرنامج اللي بعد الفرد وأبتكلم عنه أخر شي ..
(((جست فور مي ))
ميزته ..

..أخف من الفرد السابق ويصلح للي شعورهم ناعمه بس تكون متشابكة وكيرلي .. ونتيجته تعطيك شعر أنعم

وأسهل تسريح من شعرك السابق بدرجة بسيطة ..

..مايبين الشعر إنه مفرود وماتكون أطرافه واقفة بقوة .

وبالموضوع هذا هشرح لكى بالتفصيل طريقة الفرد الأول ((سوفت أند بيوتفل ))..

هذي صورة الفرد ((وأشكر أختي ~shOoog~ ))على الصورة ..


الشروط .. لازم شعرك يكون نظيف تماما ماعليه زيوت أوكريمات يعني تروشين وتستشوريبنه خفيف بحيث إنه يكون ماهو متشابك وناعم .

الطريقة ..

1. تقسمين شعرك بالنصف إلى قسمين وبعدين تقسمين كل نصف اربع أقسام من تحت لفوق ..وتلفين كل قسم مثل الكعك وتثبتينه ببنسة .

2. تمسكين كل قسم وتدهنينه بالواقي (اللي هو البكتات الصغيرة رقم 1 )

وكل قسم تخلصين من دهنه ترجعين تلفينه وتثبتينه بالبنسه وإنتبهي لاتخلصين

الواقي عن باقي شعرك ..يعني حاولي توزعينه بالتساوي ..

3. تأخذين الجل الواقي للبشرة وهذا للإسف ماهو موجود بالصورة بس أكيد

موجود عندك وشكله مستطيل شفاف وعليه كتابه بالأسود .. توزعينه على


جبهتك وعلى أطراف شعرك من الأمام وعلى رقبتك على أطراف شعرك من تحت

وحول الأذان .

4. تجيبين وعاء بلاستيك (( لازم بلاستيك لإن المعدن خطير ويتفاعل مع المواد ))

وتخلطين فيه العلبه الكبيرة مع العلبه (C) (رقم 2) خلط مضبوط لحد ماتختفي التكتلات ..

5.. تبدين بأخر قسم من شعرك من تحت القسم الأيمن وبإستعمال القفازات

تفكينه من البنسةو تحطين كميه من الكريم وتحاولين تضغطين بظهر كفك على

هالخصلة من أولها إلى أخرها أو باستخدام مشط أسنانه واسعة ..يعني تحاولين

تدخلينه داخل الشعر .. وتسوين هالطريقة مع باقي الشعر ...

6 .. تتركين الكريم فترة تكون على حسب طبيعة شعرك وتلقينه مكتوب بالجدول

في الورقة ((تشوفين الحد النهائي للكريم على الشعر بحيث إنك ماتعدين

هالوقت )

7.. بعد ماينتهي الوقت تأخذين الشامبو (D ) (رقم 3 ) وتبللين شعرك بالماء ثم

تحطين عليه الشامبو (الأفضل إنك تحطين الشامبو على دفعات مايصير مره وحده

علشان تعرفين هو نظف شعرك أولا وأول شي لون الماء اللي يطلعلك من شعرك

وردي وترجعين تغسلينه وبيطلعلك وردي أخف وكذا تستمرين تغسلينه حتى

يختفي اللون الوردي ويصير الماء نظيف ... وبكذا تعرفين إنه نظف تماما ..

8.. تجففينه شوي بالفوطة وتحطين عليه البلسم (E )(رقم 4) وتتركينه عشر

دقايق بعدين تغسلينه وتجففينه زين ...

9.. تحطين على شعرك المثبت (F ) (رقم 5) بعده تحاولين تسرحينه عالخفيف

وتربطينه بشكل خفيف وتتركينه 5 أيام بون غسل ولإستشوار .. ((وأنتي

تسرحينه بتلاحظين إن شعرك يتساقط شوي بس عادي شي طبيعي ..

وكل يوم لازم تفكينه وتسرحينه شوي ...

والبرنامج بعد الفرد ... (لنتائج روووعة بعد الفرد )

1((تستعملين خلطة البانويل .. تستمرين عليها إسبوعيا قبل الأستحمام )))

3 ملاعق كبيرة بلسم بانويل .
3 ملاعق زيت سمسم
3 ملاعق زيت نارجيل
3ملاعق زيت خروع
ملعقة عسل
2 صفار بيض ...
.............................. ..............
2((تستعملين حبوب فيتامينات للشعر لمدة 3أشهر تقوي الشعر وتمنعه من التساقط ))

تحذير :::: الكريم ممنوع منعا باتا إنه يصل للفروة ولازم يكون بكل خصلة بينه وبين الفروة 1سم
[/gdwl]