[gdwl]حبيبتى اول حاجة هقولهاك انك لازم تطولى فترة الخطوبة عشان تعرفية اكتر لان كل يوم هتكتشفى حاجة فيه وانتى تشوفى هتقدرى تتوفقى مع العيب دة ولا لائ تانى حاجة بالنسبة للاتصال اتصلى انتى بيه مرة واطمنى عليه وقوليله مبسمعش صوتك انت مخصمنى ولا ايه الطبيعى هيرد عليكى ويقولك لا هخصمك ليه مفيش حاجة قوليلة مبتتصلش بيه ليه بس وشوفى كلامة هيكون ايه
بس عاوزة اعرف حاجة هو من النوع الخجول يعنى وهو قاعد معاكى بيتكلم كدة ولا خيبة ولخمة هههههههههههه؟
ولازم لازم وباكد انك تهتمى بدراستك اولا لان دى هى مستقبلك ومتخليش اى حاجة تشغلك عنها
حاجة تانية لازم ترقبى تصرفاتة وكلامة وحاولى اعرفى هو ضعيف الشخصية ولا قوى الشخصية وقرارتة هو اللى بياخدها ولا حد بياخدهاله
بالنسبة لخالتك مدام فى مشاكل بينها وبين والدتك ومش بيتفقوا يبقى ربنا يستر لان انا من راى الشخصى مش بشجع جواز القرايب لاسباب كتير منها واولها الخلافات اللى هتحصل بعد الجواز ودة يرجع لشخصية خطيبك وانتى مخطوبة دلوقت ويقدر الله حصل بينكم مشكلة حلوها مع بعض من غير اهلك ولا اهلة يعرفوا ولو طلع من النوع الى لما تحصل مشكلة بينك وبينه بيروح يقول لوالدتة او لاخواتة يبقى نصيحة منى ليكى تسبية فى الاول احسن من بعد الجواز لما تحصل اى مشكلة صغيرة هتلاقى امه لا اله الا الله كلها عارفه مشاكلكم وهتلاقى مشاكل اكتر من والدتة والدتك والنتيجة هتبقى سيئة جدا جدا دة راى الشخصى يعنى انا لو بمر بظروفك دى لازم اعمل كدة واحسب كل خطوة مع الانسان دة ولازم تعرفى شخصيتة كويس جدا من ناحية كل حاجة وربنا معاكى ويوفقك
[/gdwl]