انا يمكن اقول كلام جرئ شويه بس احنا بنات او ستات فى بعض فمش هيهم المهم
انا حبيت ولد من سنه 6 ابتدائى وعرفت انه بيحب صحبتى فقلتلها وخليتها تحبه
لانها كانت بتكرهه وقاعدوا سنه مع بعض وحب بنت تانيه فى 1 اعدادى بس اكبر
منه وكانت جارتى وصحبتى وقلتلها وحبته وحب بنت تالته فى تالته اعدادى ومكتش
عرفاها ومعرفتش اقولها فكانت فرصتى فى انى اقوله او حتى المح بالموضوع وهى
ماشاء الله عليه ذكى وفهمها وهى طايره وقالى انا عارف ومقدر احساسك وهقولك على
شعورى من ناحيتك يوم الخميس فى محاضره الانجليزى وكنت معرفه المدرسه كل شئ
علشان تكون معايا بالموضوع بالاضافه طبعا الى والدتى ست الكل معرفاها قبل اى حد و
يوم الخميس مشى بسرعه وانا مخدتش بالى قلت اعديها فى الامتحانات كان مضايق اوى اوى
لان كل المواد دخلت فى بعضها والامتحانات خلاص فعرفت من المدرسه وقالتلى وساعدته
وجبتله نسخ المراجع والتدريبات والجحات الى بنذكرها قبل الامتحانات واديتهاله وفرح جدا
وخادها وقالى انا مش عارف اقولك ا ى وانا بجد عاجز عن الكلام وربنا يخليكى وكلام جميل
اوى وكنت اسعد انسانه باكون وقبل امتحان الرياضه جبتله نسخت المراجع لانى بطلع الاولى
دايما على المدرسه فصورتهاله واديتهاله وقالى لا لا لا مش عايز
فى اليوم القبل الاخير بعت لى بنت قالت لى هو بيقولك انه استحاله يتعرف
على واحده طخينه ومنظرها عره ومش رفيعه وهجمه

وبعاتلى مع المدرسه نفس الكلام طبعا المدرسه قالت لى اخر يوم لكن البنت الى بعاتها
قالت لى اليوم القبل الاخير وبعد الامتحان انا بصراحه اتصدمت جدا جدا وبعد الامتحانات
ولما النتيجه طلعت مفرحتش انى الاولى على المدرسه زى كل سنه وعلت اوى وحسيت ان
الدنيا بتدينى ضهرها وكان اول مره احس بالاحساس ده روحت البيت وقطعت كل القصايده
الى كتباها فيه والشعر وكنت احزن ما يكون وقعدت اسبوع لا اتكلم ولا اكل ولا اشرب لحد
ما جالى هبوب مفاجئ فى الدوره الدمويه ونقالونى على المستشفى وفى شهر خمسه بدات الرجيم
انى اكون ارفع واحده بالكون وحطيت همى كله بالرجيم والتخسيس والرياضه مع
العلم انى كان عندى عجز بالتخسيس لكن اتعلجت وخسيت لحد دلوقتى 24 كيلو ولسه هخس تانى لحد ما ابقى 46 كيلو
انا بس مجروحه وحسه انى كنت بدوامه كنت بخدم انسان من القلب اوى
واخلصت فى الحب وفى الكلمه الى كانت على طرف لسانى كل ما عينى تلمحه