class="quote">اقتباس : المشاركة التي أضيفت بواسطة هدى المغربية:
سلام حبيباتي ان بدي اسال عن الالة الي تفرد الشعر ما اعرف شو تسموها بس احنا بالمغرب نقول عنها les plaques
هي على شكل مستطيل توضع وسطها خصلات من الشعر الى ان تفرد .اسال من جربها اد لها اضرار على الشعر وشكرا.انا شعري خفيف و دهني .
عليكم السلام و رحمة الله و بركاتة اختى العزيزة
أولا اعتذر عن التأخير فى الرد
ثانيا أحنا فى مصر بنسميها مكواة شعر
و دى صورتة
و طبعا اى اداة لفرد الشعر مضرة علية جداا لانها بتحرق الشعر و تؤدى الى تقصف الشعر
على المدى الطويل رغم انة احسن بكتير من الاسشوار العادى و الافضل منها على الشعر السرميك
مش الحديد
اختى انا استعملها رغم اضرارها و لكن مع العناية بالشعر ان شاء الله مش حتحسى بضرر كبير منها
اذا كنتى محتاجلها جدا
و دا رأى احد خبيرات التجميل فى المكواة السرميك
وإذ يختلف نوع شعر كل امرأة عن الأخرى، حرصت براون لدى ابتكار جهاز Professional Ceramic Straightener على وضع 13 درجة حرارة مختلفة، لتتلائم مع كل نوع – فيتم استخدام الحرارة المتدنية للشعر الرفيع والضعيف، فيما تُخصص الحرارة المرتفعة للشعر الكثيف القوي.
وصرّحت شيرين الخبيرة قائلة: "في السابق، كانت أجهزة تمليس الشعر تعطي مظهراً باهتاً وتلحق الضرر ببنية الشعر الأساسية ومسامه – خاصة الشعر الملون. لكن جهاز التمليس المزود بلوحين من السيراميك، فهو لا يلحق الشعر بأي ضرر، إذ ينزلق اللوحان على الشعر ويمنحانه مظهراً أملساً طبيعياً".
بصى يا ستى احسن حل انك لما تستعملى المكواة يكون على شعر رطب
مش مبلول قوى و مش ناشف و تمررى المكواة سريعا على الشعر متحاوليش تثبتيه مدد طويلة على خصلات شعرك
و اعملى حمامات زيت بصفة دائمة لشعرك
و احسن حمام زيت لنوع شعرك دا
شعرك دهني ويتساقط استخدمي زيت الخروع فقط بعد تسخينه شوي لمدة ساعتين
و بعدين أغسلية بالشامبو و متحطيش بلسم علشان ميزودش دهنية شعرك
علشان تتقلى شعرك شوية حطى ماسك عبارة عن ملعقتين عسل + 2 ملعقة زيت زيتون
و ان شاء اله حيقوى شعرك
اسبوع خروع و اسبوع عسل
و علشان يا ستى تقدرى تستغنى شوية عن المكواة دى خلطة تخلى الشعر كأنة مسشوار
/////وداعا ايها السشوار .... غير مأسوف عليك :
النتيجه رائعه وناعمه مووووت
جميع المقادير ملعقه واحده مليانه واللى شعرها طويل تزيد الكميه
زبادى - مايونيز - حلبه مطحونه بودره - خميره فوريه - عسل - اى زيت يناسب شعرك - بديل الزيت من بانتين باللون الاخضر - كريم صانسيل بالحنا - بيضه كامله
خليه 4 ساعات وبعدين اغسليه بالماء تماما ثم مرتين بالشامبو ثم حطى بانويل مشمش وخليه 5 دقائق ثم اشطفيه بالماء ثم اشطفيه بمويه بها ملعقة قهوه عشان تقطع الريحه تماما
سويها مرتين فى الاسبوع . كله هيسالك انتى عامله ايه بشعرك
أتمنى اكون افدتك
و تحت امرك اى وقت