السلام عليكم
انا اول مرة بشترك في المنتدى بس بصراحة عجبني اوي الموضوع ربنا يبارك لك انا تجربتي بأثر رجعي
الأول اعرفكم بنفسي انا أم يوسف عندي 29 سنة
طولي 158
وزني كان 70 و دلوقتي 68
المشكلة اني كنت 70 زمان و انا في اولى جامعة و بعدين خسيت حتى وصلت 54 و فضلت كده لغاية ثلاث سنوات فاتو من حملي في ابني
المهم حقولكم على نظام رجيم حلو قوى انا جربته كتير زماااني و هو اللي انا خسيت معاه ال2 كيلو دول
قبل الإفطار بساعتين 2 كوب ماء دافئ
الإفطار أي نوع فاكهة ( ماعدا الموز-البلح-العنب-المانجه-التين) و بأي كمية
الغداء قطعة لحمة كبيرة او ربع فارخة (مسلوق او مشوي ) او سمك مشوي + طبق سلطة (بدون زيت) كبير
العشاء ( ومتصتغربوش ) طبق مكرونة مسلوقة فقط بالملح و الفلفل و يمكن بشر جبنة رومي عليها
و الرجيم دا بيخسس اول مرة 5 كيلو و بعد كده 2 كيلو
المفروض تمشي عليه لمدة اسبوع و الاسبوع التاني تبدلي الغداء بالعشاء