مجتمع رجيم - خسى من غير رجيم مجربه

طبعا اغلب البنات عايزه تخس او بتعانى من الوزن الزائد واكيد انا واحده منهم هههههههه

انا جربت كل حاجه وكنت بخس ومجرد مااسيب الريجيم ارجع تانى لحد لما زهقت وبعد سمعت دكتوره فى التليفزيون بتقول كذا وصفه قولت اجربهم والله العظيم ان فى اسبوع واحد ناس كتير خد بالها انى خسيت وقالولى شكلك عامله ريجيم قاسى مش هطول عليكو الوصفه الاولى هى كوبايه ميه مغليه وعليه معلقه كمون مطحون ونصف ليمونه مقطعه شرائح ونصف معلقه قرفه ونصف معلقه زنجبيل وتاخديهم قبل كل واجبه بتلت ساعه او تاخدى بعد كل واجبه كوبايه ميه مغليه عليها نصف معلقه قرفه ونصف زنجبيل او تاخدى بعد كل اكله كوبايه زبادى عليها معلقه قرفه انا معاكم ان الوصفات كلها طعمها وحش بس استحملوا وهتتعودا على كده بس خليكوا دايما فاكرين النتيجا اكتر من رائعه غير انها بتخسس هى بتخلى الدمويه بتجرى فى الجسم كله وبتخلى البشره تحفه ولونها وردى وبتخليكى دايما نشيطه وعايزه تتحركى غير كده طبعا عايزه افكركم بالشاى الاخضر لانه اتضح انه اكتر حاجه بتكسر الخلايا الدهنيه اللى موجوده فى الجسم وبالتالى تخسى بسرعه والله العظيم انا اكتر واحده ماكنتش مقتنعه بالكلام ده بس بعد ماجربته فكرتى اتغيرت 100% والحمد لله بدات اخس من غير رجيم والناس كلها لاحظت ده وبشرت جميله جدا جربوها ومش هتندموا خالص