|
تجربتي مع رجيم تخلصت فيه من 21 كيلو(ادخلي عشان تعرفي كل شي هلا بكم بموضوعي اللي اتمنى ولا وحده تطلع الا وهي مستفيده ولو شئ بسيط.. اول شئ حابه اقول..ماتدرون قد ايش تعبت من الابتدائي وانا اعاني من السمنه..كان الكلام الجارح والاستهزاء اكثر شئ اثر فيني.. حتى من العائله..سمعت كلام محطم بس ماخليت الكلام يأثر فيني..<<< اوخس يالقويه وزني كان في سادس ابتدائي يعني وانا عندي 12 سنه ...((79 كيلو))...<<والله مالومهم يوم يشتمون.. وزني الان بعد 7 سنين... (((58 كيلو)).. وجسمي مشدود وكأني طلعت من بطن امي عارضه <<<اما عارضه قوووويه وصلت لوزن 59 كيلو وانا عندي15 سنه وحافظت عليه الى الان ومازاد وزني ابدأ كيلو واحد... تبوون اقولكم وش سويت ووش تجربتي مع الرجيم والرياضه.. ماخليت رجيم ماسويته...سويت رجيم يعتمد على الماءوالخضار....بس...طبعآ الله لا يوريكم نحفت 5 كيلو بسرعه بعدين رجعت الخمسه كيلو وزياده عليها خمسه ثانيه<<يعني تحطيم لاني اشتقت للحلويات والشكولاته والاكلات الدسمه ومع تجربتي كثير من انواع الرجيم..اكتشفت انها كلها تنحفني فتره وبعدها تخليني ارجع وزني كله دبل مدبل.... ونصيحه مني لكم...كل هالخرابيط اللي نسمعها بالتلفزيون (ورجيم مادرى وش ...وهذا ينحف وهذا يشد) كلها لعبه بعقول الناس كل واحد يختلف عن الثاني..في تقبل جسمه للرجيم معين اول شئ حاولت اوجد نظام او رجيم خاص فيني بحيث اني لما اجوع فتره وانحف ماراجع بشراهه للأكل وارجع وزني اللي خسرته... ثاني شئ.. لقيته بديننا ساعدني اني اتخلص من وزني وهو سر نجاح الرجيم معي( بما معنى الحديث (نحن قوم لا نأكل حتى نجووع واذا اكلنا لا نشبع)) مو لازم اتغدى او اتعشى اذا انا مو جيعانه... يعني ابدآ لاتاكلين الا لما تجوعين واذا اكلتي مو لازم تحسين بالشبع..سدي جوعك بس وراح تلاحظين ان اللأكل اللي تاكلينه قليل ... ثالث شئ لاتحرمين نفسك من شئ...مو نوعيه الاكل اللي تسمنا ...كميه الاكل هي اللي تسمن الشخص.. يعني انا برجيمي كنت اكل حلويات واللي ابغى لاكن قطعه صغيره بس... رابع نقطه...واهم نقطه ..الماااء مهم مهم مهم...سمعت انه يذيب الدهون وهذي ماادرى عنها بس انا كان يفيدني انه يحسسني بالشبع وان بطني ممتلئ... ملاحظه.. بدايه الرجيم تعب..لان جسمك مو متعود...وراح تحسين بالجوع بكثره في البدايات...بعدين بتبدين تحسين نفسك مااتجوعين الا نادرآ....المعده عندك راخ تصغر ويصير لقمه لقمتين تملاها لك وتشبعك. هذا بالنسبه للأكل اما الرياضه الرياضه.. ادرى ثلاثة ارباعكم مثلي...مايحبون الرياضه ويتكاسلون لما يسوووونها..... تبغين نتيجه التمارين تبان بسرعه..وتبغين تخلصين وبس<<ياشين العجله مالقيت افضل من اله السير في نحت الجسم وتنحيفه بسرررررررعه.... وكل السالفه امشى بس كل يوم امشئ نص ساعه على السير وهذا يكفي لايحتاج اسوي تمارين بطن والا شد ذراعين ومادرى وش..بس السر كان في النايلون.. ايه نايلون..وش فيكم مستغربين؟؟ كنت قبل لا امشى على السير الف بطني وفخذي وذراعي بالنايلون حق الاكل.... ويساعدني اعرق اكثر ..,مفيد انه يتخلص لك من السيلوليت بسررررررعه ويشد الجسم... هذي هي كل السالفه ياحلوين... وانا الان حتى بعد ماانتهيت من الوزن الزائد وخلصت نفسي من الرجيم وهموم الرشاقه مازال اكلي قليل والرياضه لازم اسويها لاني تعودت عليها... ان شاء الله استفدتوا... تحياتي لكم منقول |
رد: تجربتي مع رجيم تخلصت فيه من 21 كيلو(ادخلي عشان تعرفي كل شي يعطيك العافيه تجربه رائعه دمتي بود:smile11: |
رد: تجربتي مع رجيم تخلصت فيه من 21 كيلو(ادخلي عشان تعرفي كل شي ماشاء الله تبارك الله تجربه أكثر من رائعه :00004154: 21 كيلو والله انجاز حلو الله يتمم لها على خير والعقبه لكل من تتمنى يارب بصحه وعافيه حبيبتي يعطيك الف عافيه على النقل المفيد تقبلي ودي ووردي http://www.sh11sh.com/sh11sh1/102.gif |
رد: تجربتي مع رجيم تخلصت فيه من 21 كيلو(ادخلي عشان تعرفي كل شي اقتباس : المشاركة التي أضيفت بواسطة غيمة فرح: |
رد: تجربتي مع رجيم تخلصت فيه من 21 كيلو(ادخلي عشان تعرفي كل شي اقتباس : المشاركة التي أضيفت بواسطة pinkro0ose: |
رد: تجربتي مع رجيم تخلصت فيه من 21 كيلو(ادخلي عشان تعرفي كل شي ماشالله تبارك الله عقبالي :smile05:ابي انزل 40 كيلو تكفون ادعولي انزل المشكله ماعندي قوه ولا عزيمه بس ابي اضعف تعبت |
| الساعة الآن 09:47 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0