مجتمع رجيم
1 2 

مجتمع رجيم (https://forum.rjeem.com/)
-   الحمية و الرشاقة و الرجيم (https://forum.rjeem.com/f9.html)
-   -   10 كيلو في ثلاث أشهر بدون رجيم وبدون رجعة (https://forum.rjeem.com/t104821.html)

بحر العطاء 06-17-2011 03:16 AM

10 كيلو في ثلاث أشهر بدون رجيم وبدون رجعة
 
السلام عليكم عضوات منتدى رجيم:
قبل سنة بالضبط كنت جالسة في غرفتي بنفسية زفت رجعت من الجامعة وأنا أتذكر ايش صار معي طول السنة
كان وزني 80 وطولي 156 كنت متعقدة من وزني وطولي بشكل موطبيعي
أمشي في الجامعة و البنات لابسين ومتكشخين وأنا ما أقدر ألبس الا موديلات محدودة ما أقدر أغيرها عشان ما تبين كتل الشحوم اللي في جسمي
اذا جلست على الكرسي أحط شنطتي في حظني وأحظنها عشان ما يبين جسمي
خلصت السنة وأنا تعبانة نفسيا ومنهارة
وقررت أرجع السنة الجديدة وأنا انسانه ثانية عشان كذا بديت (طقوسي) مثل مايسمونها خواتي ..

أول شي كنت اذا رحت السوبر ماركت ما أخلي اي نوع حلويات الا شريته
صرت اذا رحت ما أمر جنب الشوكولاته و الحلويات ممكن جنب البسكوت أو أروح أشتري خضار وفواكه وعصيرات

ثاني شي كل يوم أول ما أقوم من النوم أروح المطبخ احط لي صحن فواكه و صحن خضار الأشياء اللي أحبها بس بدون طماط وأحطهم في غرفتي مع السكين وكل شي أول ما أجوع ما أحتاج أدخل المطبخ و أحوس لأني أعرف اني بأدخل آخذ خيارة وبأطلع مسوية صحن حلى
غي كذا آكل الثلاث وجبات مع أهلي وآكل من المطاعم عادي

ثالث شي أحرك جسمي طبعا انا انسانة أتملل من الرياضة بسرعة عشان كذا خليتها على كيفي مرة أنط حبل ومرة امشي على السير مرة اطلع الحوش أتمشى ومرة أركب وأصعد الدرج مرة أنط على الحبل ....الخ كل يوم شي بس أهم شي أتحرك

رابع شي وصفة سحرية تعدل النفسية الزفت وتنزل الوزن وهي :
ملعقتين بابونج - ملعقتين اكليل الجبل - ملعقتين ميرمية
كنت أغليهم مع بعض وأحطهم في دلة وأحطهم جنب صحن الفواكه و الخضار وأشرب منها ثلاث لأربع مرات في اليوم

صار لي سنة ووزني ثابت على 70 ما تحرك مع اني رجعت آكل عادي غير كذا ن بين على جسمي اني نازلة أكثر من 10 كيلو و ملابسي وسعت مرة وتغيرت مقاساتي صرت ألقى ملابس بسهولة اكثر من أول

وان شاء الله ناوية هالصيف أرجع أسوي هالأشياء

● ღ•ريّــِم •ღ ● 06-17-2011 03:35 AM

رد: 10 كيلو في ثلاث أشهر بدون رجيم وبدون رجعة
 
ما شاء الله عليكي

الله يوفقك دنيا واخره ان شاء الله

بداية امالي 06-17-2011 05:42 AM

رد: 10 كيلو في ثلاث أشهر بدون رجيم وبدون رجعة
 
ماشاء الله عليك يابحر العطاء
عادات جدا جميلة ورائعة لو تعودنا عليها فعلا الي تبغى تنحف تنحف بلا رجيم بلا حرمان
بس تنظم غذائها وتتحرك وراح تنحف بدون حرمان
تجربتك رائعة ومثمرة اتمنى لك ولنا الرشاقة الى نحلم فيها

الأمل القادم . 06-17-2011 09:10 AM

رد: 10 كيلو في ثلاث أشهر بدون رجيم وبدون رجعة
 
موفقة

بدر بدور 07-02-2011 04:01 PM

رد: 10 كيلو في ثلاث أشهر بدون رجيم وبدون رجعة
 
:0000454:وفقك الله واعطاك وارضاك رجيم جميل ومريح بس بدو ارادة قوية

منايا1977 07-03-2011 12:05 AM

رد: 10 كيلو في ثلاث أشهر بدون رجيم وبدون رجعة
 
ما شاء الله عليك
الى الامام


الساعة الآن 04:15 PM.
1 2 

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0