مجتمع رجيم - حصرى عزومتى لأحلى نهلة يارب تعجبها

السلام عليكم ورحمة الله وبركاته
http://www.rjeem.com/up/images/4xl8cmy8cnzhhz12xnxg.gif

حبيباتى موضوعى النهارده
هو عزومتى لأحلى نهلة فى المنتدى
يارب تعجبها عزومتى ( بط محشى بالفريك - محشى كوسة وبدنجان)
والحلوة بقلاوة وكنافة
نبتدى بسم الله
أولا بط محشى بالفريك

http://www.rjeem.com/up/images/4rsomrfuq8wepbbg5mjs.gif

بطة كبيرة مقلبظة كده علشان خاطر عيون نهلة
متنظفة ومغسولة بالدقيق والملح علشان مش تبقى ريحتها ظفرة

http://www.rjeem.com/up/images/jmfm8szysq7syz70lgk.gif

طريقة الحشو

الفريك أنا بنقيه وأغسله وأنشفه وأشيله لوقت الحاجة

طبعا ناخد شوية فريك وننقعهم فى ميه سخنه شوية بالشكل ده

http://www.rjeem.com/up/images/cb6vbg2ml03ttyi8oq2.jpg

وبعد كده بجيب بصله كبيرة أو بصلتين وأقطعهم مكعبات مش بالمبشره لأ

وأشوحهم شويه بقليل من السمن لما لونها يبقى دهبى

ثم أضيف عليهم الكبد والقوانص بعد تقطعيهم قطع

صغيرة وأضيف عليهم بهار لحمه وبهار فراخ وكارى وفلفل وملح وأسيبهم شويه على نار هاديه لغاية لما ميه

البصل تنشف شويه وأضيف عليهم الفريك بعد تصفيته من

الميه وأشوحهم مع بعض وأسيبهم على نار هايه شويه لغايه لما أحس الفريك بدأ يستوى

دى وهو على النار

http://www.rjeem.com/up/images/kr6oq7m85sl7ct5hpubx.jpg

http://www.rjeem.com/up/images/8jrwar1sxoyp51incfuo.jpg

نفس طريقتى فى الحمام المحشى

والبطة بعد حشوها بالشكل ده

http://www.rjeem.com/up/images/8xt1yu2pn24dab544dr.gif

وبسلقها عادى جداااااااااااااا علشان أعمل المحشى بالشوربة بتاعتها وبعد كده بحطها على صينية وأدخلها الفرن علشان تتحمر بدون أى اضافات بكده الدهون اللى فيها بتسيح وبتطلع جميلة بالشكل ده

http://www.rjeem.com/up/images/2nfjznxyqxl97etin6wv.gif

ودى السمبوسك أنا نزلت طريقتها بس أنا عملتها مربعه مش دايرة وحشيتها جبنة

http://www.rjeem.com/up/images/1jocaz2p129i1fk9axp.gif

ودى الكبيبة بصراحة دى جاهزة يدوب على التحمير فقط

http://www.rjeem.com/up/images/x75jfexd0xhxu4nnxp3t.gif

نيجى للمحشى
أنا بعمل خلطة المحشى بالطريقة دى

بقطع 3 بصلات كبار بالسكينة وأضيف عليهم السمن وزيت الزيتون ومعلقة ملح صغيرة دى بقى مش بتخلى البصل يتحرق وكلة يبقى دهبى لونه حلو مش غامق بعد كده بضيف عليها عصير الطماطم والتوم المفروم وكمان بضيف بهارات المحشى دى من عند العطار + شوية نعناع + فلفل أسود + زنجبيل بيدى للمحشى طعم جنان على فكرة أنا بطحن على الفلفل خلطة من عند العطار أسمها خلطة الفلفل بتخلى ريحة الطبيخ جنان والله وتسبيها لحد ماتتسبك شوية وبعد كده تنزليها من على النار لغاية لما تبرد

وكمان ببشر بصلتين بالمبشرة وأضيف عليهم شوية ملح وفلفل وأفركهم كويس جدا دى بقى أسمها مرته وبضيفها على الخلطة

ولما بقور الكوسة باخد نصف كمية القلب اللى طلع منها وبضيفة على الخلطة وبتيقى بالشكل ده

http://www.rjeem.com/up/images/vpihwdwaqch63jbojd2y.gif

ودى الكوسة
http://www.rjeem.com/up/images/6v537a1u0ghvvt0jdlyb.gif

وباخد باقى القلب وأفرشه فى الصينية ومعاه حلقات البصل وعيدان الشبت بالشكل ده

http://www.rjeem.com/up/images/z3smpxmdu4gsk6uvv0a.gif

وباخد نصف القلب الباقى بضيفة على الخلطة بالشكل ده

http://www.rjeem.com/up/images/vpihwdwaqch63jbojd2y.gif
وأنا بحمر الكوسة لثوانى بس تاخد لون دهبى بيعطيها طعم كويس جداااا تحفةودى صورتها

http://www.rjeem.com/up/images/pikwvcwsrki0rsx704g0.gif

ودى صورة الكوسة حشوها ورصها فى الصينية

http://www.rjeem.com/up/images/fbihzeoavk1x0azl60cm.gif

وده البدنجان _أسود وأبيض

http://www.rjeem.com/up/images/ghdfud98zeapz3k2dy8c.gif

وبسويهم على البوتاجاز بالشوربة وبعد كده بحطهم تحت الشوايى لما تتحمر
وأتفضلوا ده الطبق
http://www.rjeem.com/up/images/tjfc105qpnzf1hfk6o7l.gif

http://www.rjeem.com/up/images/ypt3xjccnvjwd4s2ai4t.gif

والله العزومة دى حصرى علشان خاطر عيون نهلو وأنتم كلكم
بحبكن فى الله