اقتباس : المشاركة التي أضيفت بواسطة :
اللي تسوي رجيم شوفوا هالمعلومات بصراحه اعجبتني وصدمتني خاصة عشاق الاجبان
صبااااحوووووو دبيات
قبل شوي شفت برنامج في دبي اجنبي مترجم حسافه ماشفت اسمه
دورته في محطتهم بالنت مالقيته
بس بعطيكم الزبده
البرنامج قائم على تجارب يجربون الاشياء اللي تخفض الوزن على الاجهزه
حقتهم عشان يشوفون كم يقل من الوزن وكم تنحرق سعرات
المهم اول شي رياضة المشي حطوا المتدرب على جهاز السير لمدة ساعه ونص
وطبعا مشبكين الجهاز حق قياس السعرات المحروقه فيه
وبعد 90 دقيقه اتضح انه ماقل الا 19 جرام من الدهون
طبعا احبط وقرر ماعاد يمشي يقول كل هالتعب واخرتها ولاشي
راح مارس حياته طبيعي واليوم الثاني رجعوا عملوله اختبار ثاني
بس بدون جهد وهو نائم ومسترخي حتى بدون لايتكلم
المهم طلع خسران اكثر من 250 مااتذكر الرقم بالضبط
المهم خسارة الدهون بجسمه ارتفعت من 19 لفوق ال200
شرحله المدرب السبب وقال ان عملية المشي او اي رياضه
لاتظهر نتيجتها خلال الساعات الاولى منها
بل تبدا تنحرق مزبوط بعد حوالي 20 ساعه
يقول انها تنحرق اكثر شي خلال النوم لان الجسم يبدا يسحب من الدهون
لصنع الطاقه اللي تقوم بعملية النوم والتنفس الخ
فلما استيقظ المتدرب اليوم الثاني للتدريب اتضح انه خسر اضعاف
ماخسره بعد اداء التمرين مباشرة
هذا شي
الشي الثاني اللي تكلمو عنه منتجات الالبان الجبن والحليب والقشطه
والجبن الكريمي الخ يقولك الكل يظنها تزيد الوزن
لكن اتضح بعد التجربه على متدرب اخر انها تخلص الجسم من الدهون
السبب يقولك ان منتجات الالبان تتحد مع ماده في المعده
نسيت اسمها فتكون ماده صابونيه بالمعده تلتصق بالدهون الموجوده
في الالبان والاجبان و لاتهضمها المعده
وتتخلص منها فتطلع مع البراز
لما عملو التجربه على متدرب لمدة اسبوع من تناوله لمنتجات الالبان قليلة الدسم
قليلة السعرات عشان مايزيد وزنه اتضح انه تخلص من نسبه كبيره من الدهون
طردها جسمه بفعل الالبان والاجبان
يعني اللي تتبع حميه غنيه بمشتقات الالبان رح تخسر مثل ماقال تقريبا
5 كيلو خلال 4 اشهر يعني حوالي 15 كيلو سنويا بدون اضرار وترهلات
وبدون حميه شاقه وعذاب
الشي الثالث قال انو بعض الناس مايمديهم بسبب المشاغل يمارسوا
الرياضه فخلاص يستسلمو للامر لانهم يظنون انه يارياضه ياشحوم
فكسر هالقاعده وعمل تجربه مدتها الظاهر اسبوعين على مذيعة راديوا
كل وقتها جالسه ووزنها كبير ولاتجد وقت للرياضه
فنصحها ببعض الحركات اللي ماتاخذ جهد ولاوقت زي بدال ماتطلع
السلم الكهربائي تطلع الدرج العادي
وبدال ماتجلس اثناء اداء عملها تقف افضل وتحرك جسمها وتتمايل او تحرك
ذراعيها وبدال ماتطول على طاولة الغداء او جلسة السواليف
تكملها واقفه او ماشيه
وبدال ماتشتغل في الحياكه لانها تمارسها كهوايه وهي جالسه
تمارسها وهي واقفه
يعني الشغله كلها تافهه لكنها انصدمت من كميه السعرات اللي
حرقتها خلال اليوم الواحد من عمل هالحركات
ظننا منها انها تافهه وماتحرق شي
وبعد التجربه اتضح انها بهذه الحركات البسيطه ستخسر سنويا
11 الى 15 كيلو بدون رجيم
فمابالكم بالرجيم او الاكل الصحي
اتوقع اللي تبي تسوي رجيم لازم تتثقف اكثر وتقرا معلومات من هذا النوع
منها ترتكز على اشياء اساسيه وتجارب موثقه وعلميه
ومنها تمشي في خط له هدف سيتحقق ان شاء الله
طبعا البرنامج شيق اللي تعرف تبحث تتفرج عليه مرررره ممتع ومليء بالمعلومات
المدعمه بالتجارب يستحق المشاهده
كان نفسي ارفقه لكن والله مالقيته لاني ماااعرف اسمه
اخيرا اتمنى منكم دعوه حلوه والله ماكتبته الاعشان افيدكم
أي سؤال ياقلبي حاضريين

جوودي