مجتمع رجيم - تجربتي بانقاص30كيلوبشهرين ونص بإرادةقويةولله الحمد

1 2 3

عرض 40 مشاركات من هذا الموضوع لكل صفحة

مجتمع رجيم (https://forum.rjeem.com/)

- تجارب الرجيم الناجحة (https://forum.rjeem.com/f200.html)

- - تجربتي بانقاص30كيلوبشهرين ونص بإرادةقويةولله الحمد (https://forum.rjeem.com/t118446.html)

تفاحةالقلب

03-03-2012 04:21 AM

تجربتي بانقاص30كيلوبشهرين ونص بإرادةقويةولله الحمد

السـلام عليكم ورحمة الله وبركاتهـ
كيف الحال ان شا الله تمام

حابة أحكيلكم عن تجربتي بإنقاص 30 كيلو من وزني ولله الحمد والشكر
أنا كنت أسمن وحدة بعيلتنا كلها أغلبهم أجسامهم متل عارضآت الأزياء ..
المشكلة انو ما كانت عندي إرادة أبداً .. أعمل ريجيم كم يوم وأتركه ..
آخر شي نفسيتي تعبت وصرت أبكي ليل مع نهار وأفش غلي بالأكل وماما وقت ما كانت تشوفني ببكي
تحكيلي سكريلي تمك بتنحفي ودجتلي كلمة خلتني أبكي كتير كلمتها ( والله بستحي أمشي معك ومنيح انك ما بتجي معي ع الأعراس جسمك بخزي )
http://forum-static.hawaaworld.com/i...s1/smile25.gif
طبعا كلامها كتير أزعجني وبردو ما عندي مشكلة أستمر في الأكل لحتى ما يطلع الأكل من عيوني ..استمريت على هاد الحال لعيد الأضحى ما خليت شي بنفسي إلا أكلته ..
وما اشتريت تياب العيد متل كل سنة ..
طولي 165 ووزني 97 وعمري 30 سنة
آخر شي خلص اكتئبت كآبة ما بيعلم فيها إلا الله وكان يوم أحد وحكيت خلص من بكرة بإذن الله بدي أعمل ريجيم ما بدي استنى للسبت <~ كلامنا لما نفكر نعمل ريجيم ههههههه
رحت سجلت بنآدي .. وسجلت عند خبير تغذية

الرياضة إللي كنت أمارسها كونه عاطلة عن العمل وفاضية ما في وراي شي

ع جهاز التريدميل صرت أمشي من ساعة لساعة ونص طبعا بديت أمشي عليه ربع ساعة وكل يوم أزيد الدقايق
جهاز الكروس ألعب نص ساعة لأني بمل منه ..
بعدين كانت عندي حصة رقص شرقي 1 ساعة ( 3 حصص بالأسبوع )
ملاحظة : (الرقص برسم الجسم رسم بشكل رائع كتيييييييييييير مفيد )
بعدين أطلع من صالة الرقص وأروح للمسبح أسبح ساعة وأعد بالجاكوزري ربع ساعة بعدين أدخل غرفة الستيم 10 دقايق وبعدين الساونا ربع ساعة
أقضي أكتر يومي بالنادي .. أروح ع البيت بحدود الساعة 3 تكون ماما مجهزتلي وجبة الغدا
رحت عند خبير تغذية اسمه ليث لافي بالأردن وأعطاني هاد الريجيم مع كبسولات أعشاب لأنو كان عندي كرش مخيف
كنت قبل كل وجبة بنص ساعة أشرب 2 كوب ماء + كبسولة
الريجيم الأول لمدة أسبوعين
الفطور : (من الساعة 8 - 10 صباحاً )
1- كوب حليب خالي الدسم
2- نصف رغيف خبز صغير أو 2 توست
3- بيضتان مسلوقتان أو 2 شريحة مرتديلا أو قطعة جبنة بيضاء مسلوقة
4- شرحات بندورة وخيار (مهم جدا) .
سناك (الساعة 12 ) : برتقالة أو تفاحة خضرا أو موزة متوسطة الحجم

الغــذاء (من الساعة 2 - 3 )
1- طبق كبير من السلطة مع ملعقة صغيرة من زيت الزيتون
2- صدر دجاج منزوع الجلد أو 2 قطعة ستيك أو 2 قطعة سمك فيليه أو علبة تونآ صغيرة بدون زيت (اختاري نوع واحد فقط ) . أنا كنت يوم أعمل صدر دجاج مشوي اليوم التاني أعمل ستيك التالت فيليه الرابع تونا
3- نصف رغيف خبز صغير

سناك (الساعة 5) : فاكهة الموسم [ كيوي ، أناناس ، برتقال ، فراولة ، بطيخ ] ما عدا التين والبلح

العشاء ( الساعة 7 ) :
3 تمرات أو علبة لبن زبادي أو صحن سلطة أو تفاحة
بعد العشاء يعني بعد الساعة 7 ما أفكر أحط شي بتمي نهائياً وإزا اضطريت وحسيت بالجوع آكل حبة فاكهة فقط
التعليمآت :
- الالتزام بمواعيد الوجبات ضروري جداً
- يجب تناول 8 أكواب ماء يومياً
- يمنع أكل الشوكولاتة والحلويات والمكسرات والأرز والمعكرونة والشيبس أو شرب المشروبات الغازية حتى الدايت منها.
- إذا لم تشاركي في برنامج رياضي عليكـِ المشي 5 أيام بالأسبوع لمدة لا تقل عن النصف ساعة ..

الريجيم الثاني لمدة أسبوع
الإفطار : بيضتان مسلوقتان + حليب خالي الدسم + برتقالة
الغذاء : سلطة تحتوي على ( خس ، خيار ، ليمون ، جرجير ، فلفل حلو أخضر و وأحمر ، ملفوف ) يمنع وضع الطماطم (البندورة )
نصف دجاجة مشوية أو مسلوقة أنا كنت يوم أعملها مشوي واليوم اللي بعده مسلوق وهكذا ....
العشاء : حبة بطاطا متوسطة الحجم مسلوقة جيدا + شريحة توست + نوع واحد فاكهة
الريجيم الثالث لمدة أسبوع
اليوم الأول : فواكه [ما عدا التين / البلح / العنب / الموز / المانجا ]
اليوم الثاني : خضار مشكلة
اليوم الثالث : فواكه + خضار
اليوم الرابع : 8 موزات متوسطة الحجم مقسمة على مدار اليوم
اليوم الخامس : لبن زبادي
اليوم السادس + السابع : مشاوي مشكلة [شيش طاووق + كبآب + لحم شقف خالية من الدهن ]
الريجيم الرابع :
هو الريجيم الكيميائي للدكتور أسامه حمدي لمدة 4 أسابيع ..
هلأ ماشية على الشوربات كل يوم نوع شوربة مختلف
شوربة دجاج
شوربة شعيرية
شوربة فريكة
شوربة عدس
http://forum-static.hawaaworld.com/i...s1/smile15.gif
والله هلأ حيآتي غير بشتري كل التيآب والموديلات اللي نفسي فيها بدون ما أحسب هاد السايز بجي علي ولا لأ
بفتح خزانتي وبختار اللي بدي اياه لأي مناسبة بدون ما أتنح وأكتئب ..
بنآت والله ما رح ينزل وزنك إلا بإرادة قوية وعزيمة وتمنعي حالك من الحلويات والأكلات الدسمة وبالزات الفاست فود ..
إن شا الله رح أكمل
الحمدلله كرشي راح كنت أشرب قرفة وبابونج
كل واحد لحال مو مع بعض
وأعمل تمارين شد البطن
هلأ وزني 67 كيلو حابة أنزل كمان 10 كيلو وأصير 57 الوزن المثالي

ادعولي الله ييسر أموري
وأي تساؤلات أو استفسارات أنا جاهزة
والله ينحف كل سمينة بدون مضرة يَ رب
آمين
http://forum-static.hawaaworld.com/i...s1/smile15.gif

ورد فوشي

03-03-2012 02:23 PM