مجتمع رجيم - تجربتي مع السمنه ونزول 16 كيلو

يسعد صباحكم / مساءكم

في البداية بحكي لكم عن قصتي مع السمنه
كنت قبل الزواج وزني 60 وطولي 160 مايزود نهائي
واستمريت بعد الزواج حتى حملت فتره الحمل الكل يقولي كلي تغذي عنك وعن البيبي
وانا ماصدقت الشهر التاسع وصول وزني 84 انفرطت :icon4:
وبعد الولاده 74 :ohmy:
في البدايه ماهتميت كثير جلست سنه ولا مهتمه
وزوجي صار يقولي يالدبا مره اتحطم لانه هو نحيف ويهتم بنفسه:online2long:
كنت اتضايق بس عادي اقوله انا حلوه سمينه ولا نحيفه انواع الثقه :icon6:
وفجاه رحت لعزومه لوحده من قريباتي لما شفت الناس والاجسام الحلوه الصراحه طقتني الغيره مره حسيتني ضالمه نفسي
والله مانسى هذاك اليوم جلست قدام المرايه اطالع وجهي وجسمي حرام هالوجه على هالجسم
كرهت نفسي حتى ماتعشيت هذاك اليوم وبديت من بكره

من مدح البنات معي بالدوام مشيت على رجيم دشتي 3 اسابيع
بصراحه رجيم قمة الحرمان :smile19:
مره تعبت منه نحفت عليه تقريباً 6 كيلو لحد ماوصلت 67 وقفت
لانه جاني امساك مزمن اكرمكم الله
وقفت بالمره الكل قالي جسمك حلو ومادري ايش وقفت
وثبت وزني فتره وبعدها بطلت اوزن
هالكلام من سنه

وتجي الصدمه لما وزنت ولقيت نفسي 71 قبل رمضان الي فات
تحطمت وانصدمت جلست تقريباً لثلاث شهور على رجيمات مختلفة
وانزل كيلو او نص وارجع ازود :smile37:
كان نزولي جداً صعب وجسمي يعاندي :smile24:

ولما كنت بقمت احباطي

الا اطيح على رجيم الدكتوره الين موضوع فطومه بقسم برامج الرجيم
عجبني منوع وفيه اكل كثير :icon6: واهم شي سهل

بديت اول اسبوع ولخبطت فيه مانحفت الا نص كيلو

ورجعت مره ثانيه عدته بالتزام ثلاث شهور وانا بقمه التزامي
وكل شهر كنت اروح اوزن اكتروني اشوف نسبه الدهون وزنه وكذا
جتني اراده قويه وكل اسبوع تزيد ارادتي لما اشوف النتائج
وبديت بعدها مع الرجيم مشي 5 ايام بالاسبوع على السير 30 دقيقة بديت من الاسبوع الثالث بعد ماشفت النتائج
ولما انتهيت بعد ثلاثه شهور وصلت لوزن ماكنت احلم اني اوصله 59

وماقدرت اترك الرجيم حبيته حسيته يرتب اكلي وينوعه لي
ورجعت اعيده بس صرت الخبط واكل وجبات سريعه وكبسات ومقالي بس لما اقيس وشو زدت ارجع امشي عليه اسبوع اعاقب نفسي
والان ولله الحمد والمنه وزني 56 وعندي امل اني اوصل حلمي الي هو 52

لكن حملت الان مره خفت على جسمي وقلت لازم اهتم ازود الزياده الطبيعيه
وريت الرجيم دكتورتي قالت لي ممتاز ومغذي وينفع تمشي عليه
والان في الشهر الثالث الله يثبت لي حملي ويحسن خلقة وخلقته
وناويه ازود الزياده الطبيعيه واحافظ على وزني

استفدت فائده كبيره من رجيم الدكتوره الين
1- كان فيني فقر دم قبل الرجيم والان الحمد لله مافيني انصدمت لما قالتي الدكتوره مافيك
2- نظم اكلي وصرت انوع بالاكل وهو غني بجميع وجبات الهرم الغذائي ولا فيه اي نوع من الحرمان حتى الشوكلت والحلويات موجوده
3- صغرت معدتي وصرت اكل اقل من قبل

يابنات والله جتني ثقه بنفسي صح الكل قالي وجهك نحف كنت اجمل قبل
بس والله البس s ويطلع البس علي يجنن قبل كنت اعاني في اختيار اللبس بسبه الصفطات والحوسه

دعواتكم لي يابنات بثبات الوزن والصحه والله يوفقكم وينول كل وحده مرادها وما تتمنى
واي استفسار انا حاضره فديتكم