مجتمع رجيم
1 2 

مجتمع رجيم (https://forum.rjeem.com/)
-   أسئلة و استفسارات الرجيم (https://forum.rjeem.com/f185.html)
-   -   اختي ام ديمة ساعديني (https://forum.rjeem.com/t120588.html)

ياسمينة 77 04-14-2012 09:14 AM

اختي ام ديمة ساعديني
 
الله يعطيكي العافية اختي ام ديمة
رح ابدا بالموضوع : انا عما اعاني من مشكلة السمنة وزني بالوقت الحالي وصل لل 86 و مو قادرة انزله يعني بنزل لل 84 او 82 و برجع برجعه لل 86 صارلي ع هل حالة 6 شهور
يمكن ما في نوع رجيم ( مو صحي ) إلا و جربته
من حوالي سنتين مشيت ع رجيم بيفرلي هيلز و نزلت عليه خلال 3 شهور حوالي 20 كيلو و بان علي منيح بس بعد كم شهر خربت كل شي و مشكلة هاد الريجيم انو معتمد ع الفواكه اكتر شي و معتمد كمان انو ما نخلط النشويات مع البروتين و لا نخلطهم مع فواكه ع اساس احترام انزيمات الجسم و ما تتعب المعدة
انا وقفت هل الريجيم بس قصة الخلط لهلأ عاملتلي عقدة نفسية كل ما بدي اكل بقعد بفكر مثلا ما بيصير خبز مع جبنة او لبنة او بيض او مثلا ع الغدا ما بيصير رز مع دجاج او لحم و بتعب و بالاخير بخبصها لانو كل اكلنا بالبلاد العربية مخلط فيه البروتين مع النشاء وممكن حتى حلويات مع فواكه
فبتلاقيني عم خبص ريجيمات ببعضها و بزيد و بنقص من عندي لحد ما تعبت و وقفت .....
انا هلأ محتاجة فعلا لريجيم صحي امشي عليه و اخلص من هل التعقيد اللي معيشة نفسي فيها
فكرت بريجيم يتناسب مع الهرم الغذائي بس مو عارفة احسب الكميات اللي انا محتاجتها فعلا من السعرات الحرارية و الحصص الغذائية
فارجوكي ساعديني و حددي لي اللي انا محتاجته
و عندي مشكلة تانية أني بعاني من الربو و لما بتجيني الأزمة بضطر أحيانا أبقى بدون حركة لمدة أسبوعين أو أكتر بالمستشفى أو البيت و هي الفترة بتعني يعني انقطاع عن الرياضة و معاناة العودة إلها كتير صعبة لأرجع أعود جسمي عليها بعد كل أزمة ... لكن الايام اللي بكون فيها منيحة بعمل فيها رياضة ساعتين متواصلة كل يوم ... فما بعرف شو أعمل لفترة الأزمات ؟؟
بالنسبة لمعلوماتي : وزني 86
طولي 159
عمري 35
بالنسبة للاطعمة اللي بحبها بحب كل شي بس يمكن بحب اكتر شي منهم المعجنات و المعكرونات و الاجبان و اللحوم
لك الشكر و الدعاء من قلبي بالتوفيق يا اختي الغالية :000021541:

أم ديمة 04-14-2012 09:56 AM

رد: اختي ام ديمة ساعديني
 
اوكي حبيبتي

بس والله هالريجيم beverly hills خطيررر ههههه
لأنه علميا البروتين و النشويات و الدهون كل وحدة لها انزيم معين و ما الهم علاقة ببعض يعني اذا شتغلو ال3 سوا ما بيصيرلن شي


قبل ما حط لك النموذج يا ريت لو بتذكري لي مبارحة شو أكلتي بالتفصيل الممل

ياسمينة 77 04-14-2012 02:47 PM

رد: اختي ام ديمة ساعديني
 
الله يسعدك يارب
الفطور شربت كاسة حليب خالي الدسم ع الساعة 9 و كان مفروض اكل معها 3 تمرات بس لانها فواكه قلت باجلها ساعتين و نسيتهم
الغداء صحن بامية بلحمة + 5 ملاعق رز
العشاء أمس عطيت لنفسي فري ع العشا فكان قطعة بحجم الكف فيليه سمك مقلي + صحن صغير فتوش + 6 اصابع صغيرة بطاطا مقلية

بس انا بالاحوال العادية معظم الايام ممتنعة عن الرز و الخبز حتى بالفطور و عن المقالي و بقضيها كلما جعت ان باكل صحن من شوربة الملفوف و الكرفس مع ليمون لاسكت جوعي ....بس امبارح غيرت لأني مليت و حسيت انو غلط ترك النشويات تماما.

أم ديمة 04-14-2012 07:17 PM

رد: اختي ام ديمة ساعديني
 
أوكي منيح

بس حبيت أتعرف ع نظامك الغذائي
أنا ان شاء الله بأقرب وقت سأضع لك الريجيم

و بهذه الاثناء كلي عادي هههه:)

ياسمينة 77 04-14-2012 09:01 PM

رد: اختي ام ديمة ساعديني
 
يعطيكي العافية حبيبتي عما اعذبك معي
بس حبيت اخبرك اني اليوم تعبت و دخت فرحت للدكتورة و عملت تحليل لنسبة الهيموجلوبين و عملتلي كمان للجلوكوز و طلعت النتيجة
الهيموجلوبين : 16,9
و السكر كانت : 4,2
فقالتلي ان السكر نازل و لازم ارفعه و الهيموغلوبين مرتفع و لازم انزله فما بعرف انو شو لازم اعمل لازبط نسبة الهيموغلوبين و السكر

أم ديمة 04-14-2012 09:04 PM

رد: اختي ام ديمة ساعديني
 
شو كنت أكلة قبل ذهابك لعمل الفحوصات؟؟


الساعة الآن 01:36 PM.
1 2 

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0