مجتمع رجيم - عندك بقعة زيت على هدومك ومغلباكى اتفضلى

1 2

عرض 40 مشاركات من هذا الموضوع لكل صفحة

مجتمع رجيم (https://forum.rjeem.com/)

- الموضوعات المميزة فى التجارب والحلول المنزلية (https://forum.rjeem.com/f317.html)

- - عندك بقعة زيت على هدومك ومغلباكى اتفضلى (https://forum.rjeem.com/t125494.html)

محبة رسول الهدى

07-13-2012 11:29 AM

عندك بقعة زيت على هدومك ومغلباكى اتفضلى

السلام عليكم ورحمة الله وبركاته

http://www.rjeem.com/up/images/oq6lh66txfl0dcrhh95.gif

حبايبى ازيكم
من فترة قرأت موضوعى فى منتدى ما ومش فاكرة اسمه الحقيقة ومكنتش مصدقة

صاحبة الموضوع قالت ان أى بقعة زيت ممكن تطلع ببودرة التلك
مخدتش فى بالى لغاية لما حصل معايا موقف
كنا فى يوم خارجين ولبست الولاد كلهم
وكنت لسة شارية فستان جديد لبونتى وهيا لابساه أول لبسة كنت ناسية ازازة الزيت مفتوحة على الرخامة وكان زيت زيتون و بنتى دخلت المطبخ متسحبة كالعادة ومسكت إزازة الزيت ودلقت على فستانها الجديد :smile37:
:smile37:
وأتفاجئ بالمنظر ووقفت مش عارفة أتصرف ازاى :smile44:
الفستان غرقان زيت ومخدتش بالى كل همى الفستان الجديد وساعتها بقة افتكرت بودرة التلك:smile38:
رحت قلعتها الفستان وبسرعة جبت علبة البودرة وبقيت أرش على الفستان كلو اللى مليان زيت
ووالله مصدقتش نفسى
لاقيت البودرة شربت الزيت خالص كإنها بتشفطو من الفستان
ورحت شطفت الفستان وبقة زى الفل ولا فى أى أثر لزيت خالص

والحمد لله

والأغرب كمان إنى مسكت الهدوم اللى فيها أثار زيت من المطبخ كانت قديمة مش جديدة يعنى بقع ناشفة وحطيت عليها البودرة ونفس الحكاية البودرة شفطت الزيت سبحان الله
وللأمانة الهدوم دى مش مغسولة قبل كدة لأنى عارفة ان الزيت مش بيطلع فى الغسيل فركناها فى المطبخ فى سلة عندى ركناها على جمب فيها هدوم قديمة بخليها لاستعمال المطبخ بستفيدبيها أوى فى المطبخ

عشان فى ناس كثير لفتو نظرى لحتة الهدوم المغسولة بيطلع منها الزيت ولا لأ
أنا قلت اللى جربتو بالظبط والله
لكن المغسولة مجربتهاش للأمانة

وصابون المواعين برضة بيطلع البقعة ويخلى الابيض فلة لو سيحتية وحطيتى الابيض فية نضافة ولا احلى منهاوالله جربية وسيحية مع شوية ماية دافية وحطية فى الغسالة وشوفى والله نتجتة تحفة أو تبشرية والصابون الاسود مش الابيض لانه فيه صودا

ممكن تكوي البقعه الناشفة بفدره بعد ماترشيها ببودرة التلك وبعدين تغسليها عادي حتروح على طول

عشتار العراق

07-13-2012 12:37 PM