مجتمع رجيم - بالتحدي والاصرار نزلت 20 كليو ويمكن اكتر

السلام عليكم ورحمه الله

رجعتلكم بعد غياب بس رجعه ميمونه ترا هههههه

حبيت احكيلكم تجربتي يالي كنت راح انتحر فيها بس ربنا لطف :00000544: المهم يا طويلات العمر انا اقسمت باني لو نحفت راح ابلغ كل يالي بحالتي عن اي تجربه تنفع معي

ورجعت بعد انجاز وبانتصار كمان حاسه حالي بمعركه:smile03:

شوفو يا الغالين حابه افيدكم وباذن الله تستفيدو متلي وربي يحقق امانيكم جميع -----------اخلصي هلكتينا

الحلوه يالي هو انا يعني اول ما دخلت المنتدى كنت ما شاء الله حاله ميؤوس منها وقلت ادور تشجيعاتhttp://www.rjeem.com/uploadcenter/up...1354377539.gif ولفيت ببالمنتدى وقرات تجارب البنات وتحمست كتير

خاصه اني بتجربه تحدي ومنافسه قويه والله يا بنات كنت ما احب اخرج مع زوجي لاي مكان بسبب الاحراج يالي كنت اواجهه وكتير كانو يفكروني امه او اخته الكبيره
حسيت حالي صباح الشحروره وهو فادي ههههههه
غير انه كان دايما يعايرني ويحرجني كتير قدام اهله ويئول انا بخجل امشي معك وصلت الحال اني سبت لاله البيت ورحت بيت اهليhttp://www.rjeem.com/uploadcenter/up...1354377540.gif وهون بلشت على القرار اللي لازم اتخده وئلت لحالي خلاص يا بنت بيكفي لا البيتزا ولا الكنتاكي راح ينفعك:00000544: خلاص المساله بدها حزم ورحت الصيدليه وتوزنت كان وزني 98 بالزبط وقررت الانتحار البطيء صح اولها تعبت بس والله يا بنات ما في احلى من فرحه انك تحسي نفسك انتصرتhttp://www.rjeem.com/uploadcenter/up...1354377539.gif رجيم كان قاسي http://www.rjeem.com/uploadcenter/up...1354377539.gifعلي كتير ومشي وشغلات المهم بالنهايه حققت حلمي مع انه ماما وتاتا ئديش فرحو لالي بس كانو خايفين علي

وحبيبه ئلبي تاتا كانت دايما تئول اصلا انت خساره فيه والله عند خفه دم تسوا اهله هههههههه على بالها انا يعني ههههاي
المهم نزلت وهلا صار وزني 75 بعرف لسه بدي بس والله يا بنات مبين في كتير

وقبل يومين طلب زوجي يشوف الاولاد عند اهلي حتى ما كلف خاطره يسال عني وقلت ماشي انت البادي وانت الاظلم كان موعده يجي عنا الخميس روحت الكوافيره صبغت شعري وعملت ميش انا هاي مهنتي بس ما بئدر اسحب شعري لوحدي المهم وعملت وجهي http://www.rjeem.com/uploadcenter/up...1354377540.gif وما خبي عليكم طول الشهر وانا عند اهلي وانا شغاله بحالي من اقنعه لكريمات وبتاع كله حتى تغيرت 90 درجه وطبعا قصيت شعري وسشوار ولبست يالي شاريته ولاول مره بعد ما تخنت بلبس جنز لسه باين اشياء ومقدمات بس حلو ههههههه
واجا اليوم الموعود وقلت لبابا انا بدي اطلعلو عشان تعرفو لما المراه تحت الرجال بمخها ههههههه ولبست الاولاد طبعا اكسسوارات وعطور وانتو تعرفو الباقي طبعا هو جالس بالصالون ينتظر بابا يجيب الاولاد وطلعت انا بوجه زي عفريت العلبه والله ثم والله يا بنات حسيت انه ما عرفني للمره الاولى لحتى ركز فيني لما عرف مين وكان راح يغمى عليه :smile21:مو مصدق نفسه معئول هاي زوجتي طبعا انا مو داخله الا لحتى افرجيه كيف الاصرار دخلت الاولاد وطلعت وهو المسكين لسه مصدوم ومبارح اتصل على بابا قال راح يجي وصار يتكلم كلامه المعسول طبعا حضرتي تعززت ولسه:000003254:
يا بنت اختصري

المهم يا صبايا حابيت اوصل لالكم شي مهم انه اهم شي الاراده والاصرار وانسي الاعشاب والادويه كل الامور بحاجه لرجيم ورياضه ومشي http://www.rjeem.com/uploadcenter/up...1354377537.gifوركزي على الاشياء المهمه وطبعا في اعشاب بس مو مضره او غريبه الاراده ثم الاصرار هاد الشي الوحيد يالي راح تنحفي عليه راح تتعبي بس بنتيجه
طولت عليكم بس والله حبيت افيدكم ادعولي بالتوفيق وعقبالكم صبايا http://www.rjeem.com/uploadcenter/up...1354377540.gif
http://www.rjeem.com/uploadcenter/up...1354377538.gif