|
غيري نفسيتك يتغير وزنك (تجربه جميله من 139 الى 102) غيري نفسيتك يتغير وزنك في شهر ابريل كان قراري لنفسي واضح وقررت اسير للعيادة اشفط واقص وارجع لنفسي وزني السابق بدون اي تعب وسرت ... وشفت الدكتورة ..... وتحطمت بعد كرمها جد .. غيري نفسيتك يتغير وزنك غيري نفسيتك يتغير وزنك http://www.rjeem.com/uploadcenter/up...1354547205.gif لكل وردات رجيم حبيت انقل ليكم هذا الموضوع الجميل كيف تغير النفسيه الوزن الاخت التي كتبت هذا الموضوع كان لها وقفه مع النفس فتابعو قصتها الجميله والطويله ************************** الموضوع منقووووووووووووووووول وليست تجربتي كان في سنة 2001 وقتها كان وزني 139 كيلو ... وبعد ماكنت اقرا اصريت اوصل للوزن المطلوب ونزلت كثير ولمن وصلت 103 .. سرت لدكتور امريكي وعطاني رجيم لايختلف عن كل الرجيمات ... ونزلت علية خلال 5 اشهر 19 كيلو .. وصار وزني بذاك الوقت 86 وكان واو مع وجود الكرش اللي عذبني ولا راح .. عقبها انتكست ورجعت وزني بالكامل وصار قريب 139 ونفسيتي صارت زفت .. وبشرتي اختربت ... سنة 2004 قررت اسوي ربط المعدة ( بدون اي فايدة نصيحه لاتعبين نفسج تسوينها ) ونزلت من 131 الى 109 في سنة ... وبعدها سويت عملية شد البطن ونزلت بعد العملية الين 102 لانهم شالو من بطني مايقارب ال 8 كيلو من شحوم وجلد مترهل ... في سنه 2006 قررت اخف من حدة الحزام واسحب المحلول وذلك لانه كان يسبب لي اختناقات وانا راقدة وبعد ما اكل تطلع اصوات غريبه من حلجي وتضايقت من نفسي ... وقدرت اوصل بوزني لحد 86 مرة اخرى وانا فرحانه هذي المره انه الحزام بيحافظ لي على الوزن بس للاسف لطالما الشكولاته والمكسرات تمر عادي ... يعني بدون فايدة ... وخلال الفترة من 2006 و2007 و2008 وصولاً الى تاريخ 2009 شهر ابريل تحديداً وصل وزني مره ثانية الى 124غ ورجعت لقياس 24 مره اخرى من بعد ماكنت البس 14 ووالله قلبي عورني على نفسي ... بجد كرهت كل شيء ... المهم بعد ما كشفت على الدكتورة وكان وزني وصل للحد الغير معقول ... قمة التحطيم قالت بسوي لج بس شفط في اماكن وبحاول اشل عنج بعض الدهون .. بس الشد مانتكلم عليه اللحين ... قلت الها كم بيكلف قالت لي 36 الف درهم ... الصراحه انصدمت المبلغ جداً كبير وانا سويت عملية قبل ماقد تكلفت فيها شيء لانها عند دكتور حكومي ومشاء الله عليه ممتاز ... بس هذي يالسه تفلسف وتبي تدفع ايجار الفلا من شحومي ... والله قهر وقمت وسويت نفسي ولا يهمني وقلت الها طيب واذا بغيت اعادة حقون قالت تقريباً ب51 الف هذا المجموع بالكامل .... سعر سيارة وش هالشحوم اللي بيشفطونها وتكلف جذه ... >>>> والله طلعت من عندها وات من الصياح ( البكاء ) وقمت ارثي نفسي .. وقلبي معورني على حالي ... وانا من اشوف جسمي ويكف صار اموت قهر واقهر نفسي اروح اي مول وادخل محل للازياء النسائية واموت على محل بيبي وفساتينهم .. اتخبل على كل فستان عندهم ... رقيقين ونعوميييين جداً فاتصلت بزوجي وقلت له اني ابا اسير المول وسمح لي وقال اسمع صوتج مب طبيعي قلت له عن كلام الدكتورة فقال لي ماعليج منها واذا تبين انا بعطيج المبلغ عادي ... ولاتزعلين نفسج .. >> الين هني المشكله عادي بس اللي صار عقب صدقوني كان في الصميم وحطمني بقوة .... زوجي عطني الاذن اسير المول ... وقالي انا بيج ... وانا من دخلت يلست الفلف وشوي وجاء وسرنا كوفي خذت لي كيكه >>>> تعرفون اواسي نفسي .. طلعنا وانا مستانسه وقلت خلاص يوم زوجي عادي عنده ليش انا معذبه نفسي ... ونسيت كل اللي صار مع الدكتورة ... وكل شيء طبعاً زوجي حبيبي بالدنيا ويالس يدلعني ويحب متني عاااااادي انتظروووووووو قليلاً لاكمل لكم تجربتها |
رد: غيري نفسيتك يتغير وزنك (تجربه جميله من 139 الى 102) موضوع رائع جدا تسلم الايادي |
رد: غيري نفسيتك يتغير وزنك (تجربه جميله من 139 الى 102) كنت اتمشى معاه بالتحديد في مول عندنا اسمه فيستفال ستي ... وفي محل بيبي فوق ... وجنبة محل يعجبني قمت وسرت مع ريل بكل ثقة صوب المحل .... وانا اقول ولا يهمني ... اول ماوصلنا لقينا جمهور عند المحل وناس يالسه تشوف شي داخل غريب جداً وباهتمام ريلي قال خليني نقرب نشوف.... تعرفون شو كان عبارة عن اربع شمحوطات من ذوات السيقان المثيرة جداً جداً والاجسام الفتاكة .. اللي تخلي الريال يشوف وهو مدهووووووووووش يعرضون ازياء بيبي المووووووووثيره جداً اسحب ريلي اقوله وايد ناس يقول لا لا خلينا نشوف .. انا اول مره اشوف حريم ... تميت تحت تأثير الصدمه ... وبعد مرور 5 دقايق اشوفه يسحبني يقولي بعدين بنرد ... لا منتبه لكلمتة وتمشينا الين سبورت ودخل ياخذ له ملابس رياضية لانه هو عسكري يعني لازم يكون محافظ على رشاقة جسمه باستمرار اللي خلاني افوق بجد لمن طلبت منه يختار لي لبس للرياضة ... تتوقعون شو سوى ... بعد ماشيك بنظره على جسمي بسرعه ... حط يده في اخر الصف ... وطلع لي مقاس اكس لارج وسالني ... بكل ثقه ... تعتقدين هذا يجي مقاسك تحطمت وصدق حقدت عليه من قلب .... سكت ولا قلت شيء والمشكله الزعل يبين على ويهي بسرعه .... بحس انه فيني شيء ونبيه وفهم انه خاص بالوزن .. قال حبيبتي تبين تكذبين علي يعني اطلع لج مقاس سمول .. هذا قياسج .. انا شو اسوي ... انا مررتها له وحطيت في قلبي بس في داخلي ناااااااااااار اقسم بالله مافي اي شيء في الدنيا يطفيها .... حقدت على الدنيا حقدت على زوجي حقدت على الدكتورة حقدت على كل الرشيقات اللي بالدينا وعلى كل امراة تبرجت وطلعت جدام ريايلنا لين صرنا احنا كخه .. ماننفع حتى نكون حريم ... اه ه ه ه واقولها من قلب ..... تحطمت وريلي على فكرة مايدري كان يتكلم على نياته ... يعني مب متعمد بس لانه نفسيتي انا كانت اصلاً تعبانه .... هذا اللي خلاني اتحطم بجد .... فقررت بتاريخ 18 / 4/ 2009ا اني اكون عارضة ازياء سوبر موديل ... وبديت صح ... واحمدالله واشكره من فضله ونعمته ... |
رد: غيري نفسيتك يتغير وزنك (تجربه جميله من 139 الى 102) بنات قعدت في الليل افكر شو اسوي .... ترى وضع الدبدوبه مره يحزن ... خاصة اذا كانت امراة عاملة + متزوجة ... يعني اشكال الاكل وانواعه ... وفوق هذا كله انوااااااااع التحطيم من الكل .... حد يقول الله خلقج جذا ليش تعورين قلبج وحد يقولج ليش مسويه بعمرج جذه انتي جنتي على صحتج وشبابج ... واي حد ويقولج ... لاتسوين هذا الرجيم تراه انا جربته وماضعفت عليه الا كيلو بعد التزام وطبعاً كلن يدلو بدلوه وانتي تمين تتنقلين من رجيم للثاني بدون فايدة ذتكر ... اخذت دفتر ابيض فاضي وقعدت اكتب شو الشيء الزين في ريلي ... وشو الشيء اللي مب زين ... لقيت انه مشاء الله عليه كل شيء فيه زين بس في بعض الامور يبالها تغير واقروا الاشياء اللي باكتبها لاني بقولكم ليش عقب 1- ناقد لي ولملابسي واحياناً ينتقد النظافة في المنزل 2- الكلمة الحلوة تطلع مع الازمات اما في الحياة العادي ولا شيء ( كتوم ) 3-لايفخر بالخروج معي كثيراً ويتهرب ... اكثر الاحيان 4-عصبي ومزاجي لبعض الامور 5-مطنش للكثير من الامور في حياتنا 6-مايفكر يساعدني في شيء من امور المنزل 7- مايطيق الصياح او الشكوى ابداً بتقول كل ريايلنا جذه ... وين الصفات الزينة 1- ملتزم بصلاته وبطاعة امه كثير 2- حنون جداً في الامور اللي تحتاج للحنان والعطف 3- كريم وهذي نعمة من الله 4- خلوق ويحترم غيره ولايزعل حد 5- يحترم اهلي ويعمل لهم حساب 6-يحبني وايد ولكن مايصرح الا في حالات نادة جداً لما كتبت القائمة اكتشفت شيء وخطير جداً صدقيني طبقيه على نفسج بتنصدمين ... انتي متينه صح ... طيب هل تترضين تاخذين واحد مكرش وجسمه مرهل وفيه صدر نسائي .. تخيلي الشكل وطبقيه ... انتي لمن كنتي تحلمين على قولتهم بفارس الاحلام اللي يجي وياخذج على حصان ابيض .. هل كان متين .. لما كانت صديقاتج ينخطبون او في حد متقدم لج هل كنتي تفرحين لمن تسميعني البنات وهم يوصفون الخاطب لج .. انه طويل وجسم حلو او متوازن الزبدة ... هل تعتقدين انه ريلج ماكانت له احلام مثلج .. اكيد بس هو يقسيها على موضوع المرأة المسترة والمتدينه والخلوقه في زمن الانحلال اللي نعيشه برع ... فيرضى بالمقسوم لانه يبا يكون اسرة صالحه ... زين كيف انا اللي مارضى برجل متين .... اتم متينه >>>> انا اتكلم عن بنات مثلي مابي حد اي ويقول والله زوجي متين ومدري ايش .... الريال اذا متن كل شيء عنده يضعف ... ( القدرة الجنسية ، الثقة بالنفس ، الاعتماد على النفس ) وتكثر هذه الصفاات فيه ( الاتكالية ، الطلبات الكثيرة ,الخمول , الكسل......... |
رد: غيري نفسيتك يتغير وزنك (تجربه جميله من 139 الى 102) انا استعرض كل شيء في حياتي ... بدء من الزوج وانتهاءً بشكلي وبكل مايتعلق من حياتي ... قعدت ادور رجيم يرضيني لقيت كل اللي موجود شيء معيود .. وتجارب عقيمة لها بداية مشرقة ونهاية سوده كل شيء صار متكرر حتى الاكل والحياة وكل شيء <<<< نظرة الانسان المتشائم ( المتين في الاغلب ) كتبت في الصفحة الاولى ... بداية الرجيم ... وكان قراري فقط اني اكتب لمدة اسبوع شو يدخل في بطني ... بدون كذب على نفسي او نسيان اي شيء متعمدة كل شيء ... حتى النشاطات اليومية ... موعد نومي ... لبسي ... الاهتمامات الشخصية ... مواعيد الدورة ... بديت اليوم الثاني وبدت حياتي وانا اكتب وادون .... وحصلت حصيلة الاسبوع .... وكانت كالتالي ... وفي اشياء ماقد انتبهت الها ... القائمة اللي استخلصتها على مدى الاسبوع 1- 5 اكواب ماء لطول الاسبوع 2- 15 كوب شاي احمر 3 -2 وجبة ماكدونلدز 4- 3 مرات بيتزا 5-معجنات عدد 18 من الحجم الصغير 6- كوبين صعير برتقال طازج 7- 8 اكواب قهوة بحليب وسكر 9- 3 مرات نسدويجت البيت 10- 4 ايام كانت نفسيتي قرف 11- غياب يوم من العمل 12- اهمال البيت مرتين وحصولي على توجيهات من زوجي 13- تاخر ريلي خارج البيت 3 مرات من واقع 7 ايام 14- مشي من السيارة للعمل مايعادل 25 دقيقة لمدة اسبوع كامل 15- لا نشاط رياضي 16- وجبات دسمه منزلية 4 مرات غداء 17- السلطة ( خيار وطماطم وخس وفجل وزيتون اسود وزيتون اخضر وذرة ) 7 ايام 18- فاكهة مرتين 19 -الاغتسال السريع ( 5 دقايق ) 7 مرات والبطيء ولا مرة << اقصد الشور 20- عناية بكريمات 2 مره 21- مكياج مرة 22- التاخر في النوم 6 مرات بواقع 7 يام يعني اسهر للساعه 2 ومافي رقاد الظهر ولا اي راحه بالاضافة الى انواع الحلويات الجلكسي والمكسرات والجبس اللي يصير بجمعات الدوام او تسالي في البيت ... تمعنوا في القئامة وشوفوا .... شو الاستنتاجات !! المهم .. كانت القائمة ... باختصار طريق بطيء للموت في كل شيء .... جلست افكر ... واشل من هنا واحط هنا .. بس وصلت لنتيجة مهمه .. الضعف مايكون بالاكل ولا بالرجيم ولا انج تنزلين 5 او 7 كيلو .... الضعف هو انج تكونين انسانه خفيفة ورشيقة ... وقمت اسوي بحث عن كل شيء ... كنت ادون كل شيء في دفتري الرائع ... تعرفوني اني حاطه في استكرات مثل البيبي ... وقلوب ... صار رفيقي في كل مكان .... ارجع واكمل لكم شو صار .. قررت والحمدالله طبقت ... شفت انه الماء قليل فقلت لابد مايكون لتر الى لترين يومياً .. بديت اشرب غرشة يوميا صغيرة ,,, 500 مل ويوم وراء زادت الكمية .. واستانست .. غيرت الشاي الاحمر الى الشاي الاخضر بدون سكر .. المشكله يا بنات الاحباط في العمل من الزميلات فقررت ماتكلم وطبقت على حياتي هذا المثل ومشيت عليه الافطار مثل الملوك الغداء مثل الامراء العشاء مثل الفقراء اعتمدت هذا المبداء وطبقت ... الافطار اكل مع البنات ولكن بحدود ... ابتعدت عن الدهون وصرت اطلب سندويشات بس يا بالجبن او الخضار او البيض المسلوق .. والسندويجه اذا صغيرة يعني مثل صمون المدارس اكله لوحدي واذا اكبر اتقاسمه واقول لهم نفسي مسدوده اليوم .. الساعة 10 اشرب كاسة شاي اخضر الساعه 12 اشرب كاسة شاي احمر واتسلى بغرشة الماء طول الوقت ... ارد البيت واجهز لنفسي سلطة مكونه من خس وخيار وفجل احمر وطماطم وفلفل حلو احمر واصفر وعروق الحلبة ... وزيتون وفنجان ذرة واشرب عصير برتقال الساعه 4 العصر لما اجلس مع ريلي اكل بقصم ( شابورة 3) حبات مع شاي احمر او بحليب قليل الدسم او اكل فواكه ... العشاء .. 2 خيار + علبة روب قليل الدسم او 2 بطاطا مسلوقة مع ملعقة ميونيز وملعقة كتشب بدون ملح بمعدل 3 مرات في الاسبوع كان وزني ينزل بمعدل كيلو الى كيلو ونص في الاسبوع ولا احد حس باني اسوي رجيم او مخففه ... صارت ثيابي توسع ونقص قياس بنطلون الجينز من 24 الين 22 وعقبها 20 وخذت 18 وسبحان الله لبسته ... في رمضان وقفت بس تميت مخففه عشان ما ازيد وكانت واصله بالضط 105 وبعد العيد وزنت كنت 108 ... قلبي عورني بس قلت ماعليه برد على وضعي .. وبنزل والحمدالله اليوم الصبح .. وزنت كان وزني 102 ... تصدقون الشعور بالانجاز شيء رائع ... واكيد بنظرة الكل ... اللحين نجي لردة فعل زوجي ... اول شيء انا بديت بتاريخ 15-4 والحمدالله الين اليوم ومستمره لاني مسكت الطريق الصح ... واللي اعتقد انه غير لي حياتي .... اليوم من وزنت وشفت نفسي وصلت 102 قلت ودي اشارك الناس بقصتي يمكن تفيد حد غافل مثلي ... اقولكم عن زوجي ... تدرون انه كان طول الفترة الماضية وهو يقولي انا عادي عندي انتي ليش تخففين .. وانا مايهمني وانا وانا ... المهم اكتشفت انه يجاااااااااااااااااااااااااااا اااااااااااملني بس .... لاني يوم العيد فجأته ولبست فستان اسود مخصر ... ريلي تخبل وتم يطالعني وهو مدههههههههههههههههههههههههوش مش من الضعف ...لا كيف ضعفت .. هذا وانا عايشه عنده ... تم متسمر مكانه ودورني ويلفني ويقولي في شيء ... مصدوم ... عجبه اصراري وردت فعلي ... تصدقون انه سيرتي على لسانه قدام اهله عن ارادتي ونزول وزني .... وعن اصراري وعزيمتي وعن ثقافتي الصحية ... زميلات الدوام مستقربين كيف وزني ينزل وهم يزيد ... قلت لهم انا من ارد البيت ما اكل .. يقولون ولو .. بعد ماتنزلين ... نضرية شفت انها غلط .. التخفيف ينزل الوزن اهلي والناس اللي حولي صاروا اللحين يشجعوني ... والحمدالله زوجي واعدني انه يسهرني في ارقى مطعم في برج العرب ... بمناسبة نزول وزني .. وانا قلت له لا مب اللحين انا ابا انزل لل 95 عشان البس فستان شريته ولا قد لبسته ... بنات انا تغيرت كلياً مب بس جسمي انا غيرت حياتي كلها الى الافضل ... صار الدش اليومي 10 دقايق ولازم لي يوم استرخاء في الاسبوع ادلع فيه جسمي ... واحط اقنعه وكريمات .. 4 مرات في الشهر لابد ماروح للصالون اسوي اي شيء .. المهم اغير .. المكياج ما احبه بس صرت اعتمد على الغلوس والكحل والمسكرة والبودرة ... بدون ظل فقط شيء ناعم ... اللبس ... اه الحمدالله من بعد ماكنت البس 24-22 صرت البس 16-14 والحمدالله ناويه على ال 10-8 وزني كنت حاطه جدامي جدول فيه ( 48) خانة والمقصود الكيلوات اللي ابا اخسرها صارو (26) خانه فقط .... يعني الحلم انقضى نصه .... والتجربة الحقيقة عديت مرحلتها .. صرت مستمتعه في كل شيء اسوي كل شيء بحب ومتعه حتى الاكل صرت اكله بمتعه لاني ادري انه ماراح يزيد شحومي لا راح يخفهم ... اكل وانا متاكده اني يالسه انحت جسمي ... علاقتي الزوجي بريلي صارت احلى واجمل ... مشكلة السمنه انه الشحوم تخفي ملامح جسمج وبعدها تخفي ملامح حياتج ... يعني من تتنازلين شوي بس تبدى سلسلة التنازلات وحده وراء الثانية .... مثال : تنازلتي عن الرجيم والصحه .. تركتي جسمج واهملتيه ... اهملتي زوجك وعيالج ... اهملتي بيتج .. اهملتي صحتج ... وتبتدين تتنازلين عن انوثتج ... عن شبابج .... عن صحتج ... وعن كل شيء .... غيري نفسج وفكرج ... بيتغير كل شيء حولج ... الله تركض وراء ريالها ليل نهار تباه يحبها ... غيري نفسج اللي تركض وراء الضعف ومش محصلة نتيجه اقولها غيري نفسج اللي اهملت نفسها اقولها غيري نفسج لانه بي وقت بتغيرين ومحد بيهتم .... غيري الكسل الى نشاط غيري المتن الى رشاقة غيري الاحباط الى تفائل غيري نظرتج لنفسج من شفقه ورثاء الى حب قوي ... حبي نفسج حبي جسمج وساعديه مثل ماخلتيه يمتن ضعفيه ... اعتني فيه ... هذي تجربتي ... واتمنى انه تفيدكم وتفتح عيونكم ... اتمنى انكم ماتهملون نفسكم ... بس ودي بدعوة منكم انه الله يوفقني في كل مسعاي ******************************** ها ياوردات وش رايكم في هذي التجربه ان شاء الله تستفيدو منها |
رد: غيري نفسيتك يتغير وزنك (تجربه جميله من 139 الى 102) عنجد روعه ما شاء الله عليها ان شاء الله الله يوفقها باللي بدها اياه ويوفقنا يا رب انا شخصيا شجعتني وحبيت القصه ... حمستني بصراحه مشكوره نسومه |
| الساعة الآن 06:27 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0